VOAL - Online Zëri i Shqiptarëve

MANTELI I NAPOLEONIT EKSPOZOHET NË LONDËR E Hënë, 02.02.2015, 11:09am (GMT1) Në sallën e ekspozitës, ka edhe shumë portrete të princit Xhorxh IV, i cili i porositi ato, për të festuar paqen pas disfatës së Napoleonit, në betejën e Vaterlosë Manteli i Napoleonit, i cili është marrë nga bagazhi i perandorit dhe është vendosur në dhomën dedikuar betejës së famshme të Vaterlosë, do të jetë pjesë e një ekspozite në Londër. Ekspozita është çelur nga Kështjella Windsor, vendbanimi i mbretëreshës në Berkshajër, në perëndim të Londrës, me rastin e përvjetorit të betejës së Vaterlosë, e cila u dha fund luftërave të Napoleonit, në fund të shekullit 18 dhe fillim të shekullit 19. Në sallën e ekspozitës, ka edhe shumë portrete të princit Xhorxh IV, i cili i porositi ato për të festuar paqen, pas disfatës së Napoleonit. Kate Heard, kuratore e galerisë së pikturave dhe artit në rezidencën e mbretëreshës thotë se ekspozita është një përkujtim i betejës së Vaterlosë, e cila është një pikë kthese shumë e rëndëshme në historinë europiane. Dokumentet e marra nga arkiva mbretërore tregojnë detaje nga ajo periudhë, ndërkohë që ekspozita përfshin edhe veshje e sende të Vaterlosë. Ekspozita do të qëndrojë e hapur deri në janar të vitit 2016. www.voal-online.ch

Copyright © 2005-2008 Nulled by [x-MoBiLe]. All rights reserved.