VOAL - Online Zëri i Shqiptarëve | ||||
SHBA - EMRA TË RINJ NË GARËN PRESIDENCIALE E Hënë, 05.04.2015, 09:05pm (GMT1) Numri i kandidatëve për presidentë për zgjedhjet e vitit 2016 po shtohet, me tre republikanë të tjerë që po hyjnë në garë. Ish-Presidentja e kompanisë Hewlett-Packard, Carly Fiorina tha sot se do të kandidojë, dhe ish-neurokirurgu Ben Carson shpalli kandidaturën në Detroit. Një tjetër kandidat, ish-guvernatori i Arkansasë Mike Huckabee ka në plan të hyjë në garë nesër. Zonja Fiorina ka gjasa të jetë e vetmja grua me peshë që do të hyjë në garën republikane ndërsa Carson i vetmi afrikano-amerikan. Fiorina ka shërbyer si këshilltare ekonomike e senatorit John McCain gjatë garës presidenciale të vitit 2008 dhe në vitin 2010 kandidoi për një vend në senat por nuk fitoi. Carson u shfaq në skenën kombëtare politike para dy vjetësh me një
fjalim ku kritikoi planin e Presidentit Barack Obama për reformën e
sistemit shëndetësor, por ai është kritikuar pasi e ka krahasuar këtë
plan me skllavërinë, si edhe për komente për homoseksualët. WWW.VOAL-ONLINE.CH
|
||||
Copyright © 2005-2008 Nulled by [x-MoBiLe]. All rights reserved. |