Voal-online -Zinedine Zidane nuk ndërron mendje as sot e kësaj dite pas goditjes me kokë që ia dha lojtarit italian interist në finalen Botërorit të Futbollit 2006. "Nëse do t'i kërkoja falje, do të më mungonte respekti ndaj vetes sime dhe do ta shfajësoja sjelljen e tij. Nëse do të kishte qenë Kakà, një djalë i mrekullueshëm do t'ia kisha kërkuar falje." Mbrojtësi italian përgjigjet nga uebsajti i tij: "Nuk kam fjalë."

 

MADRID

 

S'ke çfarë të bësh. Katër vjet pas përplasjes midis Zidane e Materazzi. Francezi, fajtor se e goditi me kokë italianin në gjoks në ndeshjen finale të kampionatit të Botës në Futboll më 2006, në të cilën Italia mori titullin, nuk ka asnjë qëllim të kthehet mbrapa në qëndrimet e tij. Për më tepër, do të parapëlqente të vdiste. Këtë e ka rrëfyer Zidane në një intervistë ekskluzive për të përditshmen spanjolle 'El Pais'. "I kërkoj falje futbollit, tifozëve, skuadrës. Por atij nuk mund t'i kërkoj atij. Kurrë, kurrë. Do të ishte shnderim për mua. Do të pranoja të vdisja."

DO TË PRANOJA TË VDISJA

 

Ish kapiteni i kombëtares franceze ende nuk e ka kapëdirë ndeshjen fiziko-verbale me mbrojtjësin italian. Pas goditjes me kokë Zidane përjashtohej nga loja dhe Franca humbte Botërorin. "Natyrisht që më vjen keq, por nëse do t'i kërkoja falje, do të pranoja se ai pati bërë një gjë normale kunder meje. Dhe unë mendoj gjithnjë se nuk ishte normale akuzon Zizou, pa përmendur asnjëherë me gojë emrin e mbrojtësit italian interist, i cili sipas shpjegimeve të dhëna nga Zidane ia kishte sharë nënën francezit -. Në fushë ndodhin plot gjëra shpjegon Zidane po asaj here nuk e kam duruar. Nuk është një shfajësim. Por nëna ime ishte e sëmurë. Ishte në spital. Këtë gjë njerëzit nuk e dinin. Por ishte një moment i vështirë kujton tani ish ylli i Juventusit, Marsejës dhe Real Madridit -. Ma kanë sharë nënën edhe më parë, dhe nuk kam dhënë kurrë përgjigje. Por asaj here ka ndodhur. Nëse do të kishte qenë  Kakà, një djalosh normal, një djalosh i mirë, natyrisht që do t'i kisha pasë kërkuar falje. Por atij atje...! Nëse do t'i kërkoja falje, do të më mungonte respekti ndaj vetes sime dhe ndaj të gjithë atyre që i dua me gjithë shpirt."

MATERAZZI: "NUK KAM FJALË"

 

"Çfarë të thoshja: nuk kam fjalë." Ky është komenti që Marco Materazzi ka publikuar në uebsajtin e tij në përgjigje të deklaratave të Zidane. Mesazhi i Materazzi-t është pasuruar me një fotografi që flet vetë, e cila portretizon francezin Zidane teksa lë fushën i përjashtuar duke kaluar pranë kupës së Botës pa ia hedhur as sytë. Dhe sipër fotografisë është shkruar: 'Merci beacoup monsieur', shumë faleminderit zotëri./Elida Buçpapaj