Voal-online - Në një lajm të dhënë sot nga Radiotelevizioni i Kosovës lidhur me disa emisione të BBC News të kohëve të fundit, me jehonë të posaçme në mediat rajonale, bëhet e ditur se qeveria ka hedh poshtë akuzat rreth këtij hetimi të bërë nga BBC ku thuhet se Ushtria Çlirimtare e Kosovës gjoja ka rrëmbyer civilë të cilët më pas janë keqtrajtuar dhe në disa raste janë vrarë gjatë dhe pas luftës në Kosovë. Në njoftimin e RTKsë (Radiotelevizionit të Kosovës ), thuhet se zëdhënësi i Qeverisë Memli Krasniqi ka deklaruar se ky hulumtim i BBC është bazuar në të dhëna anonime dhe të pakonfirmuara ndërsa edhe disa gazetarë kanë rënë pre e propagandës serbe dhe pohimeve spekulative të ish kryeprokurores Karla Del Ponte.