Çështja Durrës-Kukës, Gjykata e Lartë rrëzon Apelin dhe Faktin
E Enjte, 04.30.2009, 06:08pm (GMT+1)
ATSH/ Gjykata e Lartë vendosi sot të shpallë të pavlefshëm vendimin e Gjykatës së Faktit dhe asaj të Apelit lidhur me afatet hetimore të çështjes së rrugës "Durrës- Kukës".
Gjykata e Lartë pranoi kërkesën e Prokurorisë së Përgjithshme, e cila kishte bërë rekurs të vendimit të Gjykatës së Faktit dhe Apelit që kishin shpallur të parregullt hetimin tej afatit hetimor të çështjen për rrugën "Durrës -Kukës". Sipas arsyetimit të Gjykatës së Lartë, këto dy gjykata nuk janë kompetente për shqyrtimin e kësaj çështjeje.
Gjithçka nisi në dhjetor të vitit 2008, kur mbrojtja ligjore e ish- ministrit të Transporteve, sot, ministër i Jashtëm, Lulzim Basha, i dyshuar për abuzime me ndërtimin e rrugës "Durrës- Kukës", iu drejtua Gjykatës së Faktit duke kundërshtuar veprimet hetimore të prokurorisë, pas datës 6 nëntor 2008.
Gjykata e Faktit pranoi kërkesën e palës mbrojtjese dhe e cilësoi të pavlefshëm ngritjen dhe njoftimin e akuzës ndaj Bashës pas kësaj date nga prokuroria e Përgjithshme. Ky vendim u la në fuqi edhe nga Gjykata e Apelit në shkurt të 2009. Ndërsa, prokuroria e Përgjithshme bëri rekurs në Gjykatën e Lartë, me argumentimin se është Gjykata e Lartë kompetente për të shqyrtuar kërkesat penale të bëra nga personat që gëzojnë imunitet
|
Comments (0)
Dërgoja shokut
Printo
