| VOAL - Online Zëri i Shqiptarëve | ||||
|
Në përcaktimin e vijës kufitare me Greqinë është përdorur parimi i baraslargësisë E Premte, 05.01.2009, 03:37pm (GMT1) - Deklaratë për shtyp e përfaqësuesve të Ministrisë së Punëve të Jashtme dhe Ministrisë së Mbrojtjes - Në një njoftim për shtyp, MPJ konstatonte me keqardhje se "nga ndonjë media vazhdon ende keqinformimi i qëllimshëm dhe abuziv mbi marrëveshjen me Greqinë për delimitimin e zonave përkatëse të shelfit kontinental dhe zonave të tjera detare". "Ky abuzim i hapur, me qëllime qartësisht dashakeqëse ndaj interesave tona kombëtare, bëhet duke shtrembëruar faktet dhe të dhënat mbi sistemet që përdoren në hartat detare dhe për rrjedhojë hamendësohen skenarë fantazmikë të cedimit të hapësirave detare", thuhej në njoftimin për shtyp. Në këtë drejtim, Ministria e Jashtme informon se "përcaktimi i koordinatave gjeografike është bërë mbi bazën e sistemit ndërkombëtar gjeodetik WGS 84, sistem botëror i koordinatave". Duke e konsideruar çdo pretendim për ndryshim kufijsh si të pavërtetë dhe një trillim të pastër, Ministria e Jashtme dhe ajo e Mbrojtjes konfirmojnë se "Shqipëria nuk ka dhënë dhe as ka marrë, asnjë milimetër katror të hapësirës së saj territoriale si rezultat i kësaj marrëveshje". "Gjatë gjithë përgatitjes dhe negocimit të kësaj marrëveshjeje pala shqiptare ka përdorur dhe është bazuar vetëm në hartat shqiptare të prodhuara nga Instituti Gjeografik i Forcave të Armatosura, në Tiranë. Çdo pretendim i kundërt është një shpifje e pastër", thuhet në njoftimin për shtyp. Në këtë kuadër, konfirmohet se "pas përfundimit të marrëveshjes, palët kanë vënë në dispozicion të njëra tjetrës hartat e përdorura për të nxjerrë koordinatat"./m.m/s.s./ |
||||
| Copyright © 2005-2008 Nulled by [x-MoBiLe]. All rights reserved. | ||||