BBC - Kreu i kësaj partie, Vangjel Dule nuk qartësoi pozicionimin e kësaj partie në kampin e majtë apo atë të djathtë para zgjedhjeve, por ai u tregua kritik ndaj punës së qeverisë së drejtuar nga kryeministri Sali Berisha dhe ku bën pjesë edhe kjo parti. "Integrimi në NATO, dhe vetë arritja e integrimit në NATO u përdor në disa momente me tëper si slogan sesa arritje e një objektivi strategjik për të gjithë shqiptarët", tha z. Dule.

Dule e konsideroi si një padrejtësi edhe mosvotimin e emigrantëve, kërkesë për të cilën ka këmbëngulur shumë e majta.

Prej kohësh në skenën politike shqiptare flitet për një largim të mundshëm të PBDNJ-së nga koalicioni me partitë e djathta dhe një ribashkim të saj me të majtën.

Kjo parti politike ka qenë vazhdimisht e pranishme në kabinetet qeveritare me përfaqësuesit e saj.

Ajo drejtohet de facto nga përfaqësues të pakicës minoritare greke në Shqipëri dhe është përmendur shpesh për lidhjet të mira me Athinën.