VOAL - Online Zëri i Shqiptarëve | ||||
Kryesocialisti nis sot turin për zgjedhjet e shtatorit E Mërkurë, 09.09.2009, 02:11pm (GMT1) Tiranë, 9 shtator, NOA Zgjedhjet e afërta të 26 shtatorit për kreun e partisë si edhe shpjegimi i arsyeve përse vendosi bojkotin e parlamentit, janë dy arsyet që e bëjnë kryesocialistin Edi Rama të nisë sot turin e tij në bazë. Sipas burimeve pranë selisë rozë për agjencinë e Lajmeve NOA, turi i paralajmëruar do të nisë nga qyteti i Elbasanit dhe parashikon takime me të gjithë socialistët e bazës, të cilëve do t'u shpalosë platformën e tij elektorale për një mandat të ri në krye të Partisë Socialiste. Ndërkaq, në një tur të ngjashëm pritet të angazhohet edhe kandidati tjetër që pretendon të jetë kryetari i ardhshëm i Partisë Socialiste, Maqo Lakrori. Ky i fundit, mbeti i vetmi kandidat përballë Ramës, pasi Arben Malaj u tërhoq nga kara për kreun e Partisë Socialiste./NOA www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |