Pacolli kërkon reagim të KQZ për fushatën e parakohshme zgjedhore
E Martë, 10.06.2009, 10:16am (GMT+1)
Mosndërprerja e fushatës së parakohshme, të cilën Pacolli e quan ilegale, ka detyruar atë që t`i dërgojë një letër kryetares së KQZ-së, Nesrin Lushta, me anë të së cilës kërkohet që të reagohet komform ligjit për zgjedhjet për ata që e shkelin marrëveshjen
Vendosja e billbordeve të disa partive politike nëpër rrugët kryesore të kryeqytetit para datës 15 tetor, kur zyrtarisht fillon fushata zgjedhore, për kreun e AKR-së është mjaft shqetësues dhe njëherit e dëmshme për partitë tjera.
Ndër të tjera Pacolli tha se "partitë që kanë fuqi ma tepër ia lejojnë vetes që t`i mbushin ekranet, gazetat, billbordet me materialet e tyre propagandistike, e dikush të rrijë duarkryq dhe të presë datën 15. Ne jemi duke u dëmtuar në këtë rast", theksoi z. Pacolli.
Ndryshe, të gjitha partitë politike qenë pajtuar që fushata zgjedhore të zgjasë 30 ditë ndërsa aktivitetet zgjedhore të fillojnë me 15 tetor.
(http://www.rtklive.com)
www.voal-online.ch
|