Internacionalja Socialiste mbështet bojkotin e opozitës
E Mërkurë, 10.07.2009, 08:56pm (GMT+1)
Internacionalja Socialiste ka shprehur mbështetjen e saj për qëndrimin e opozitës në lidhje me zgjedhjet e 28 qershorit. Në mbledhjen e Komitetit të Internacionales për Mesdheun mori pjesë dhe një delegacion i PS i drejtuar nga deputeti Taulant Balla. Balla prezantoi raportin e Partisë Socialiste dhe qëndrimin e saj mbi zgjedhjet e 28 qershorit dhe marrëdhëniet e kushtëzuara me Kuvendin e Shqipërisë.
Me propozim të presidencës së Internacionales, Komiteti vlerësoi se kërkesat e PS duhet të pranohen për parregullsitë që mendohet se kanë pasur zgjedhjet.
Gjithashtu në deklaratën e Barcelonës, organizata e partive socialiste në mbarë botën, ka theksuar angazhimin e përbashkët të partive socialiste dhe socialdemokrate për të luftuar korrupsionin politik që siç theksohet në deklaratë: "shfaq mungesë respekti për financat publike, lirinë e shprehjes dhe interesat e përbashkëta themelore". Kryeministri i sapozgjedhur i Greqisë, Jorgo Papandreu, është Presidenti i Internacionales Socialiste. (http://www.noa.al)
www.voal-online.ch
|