VOAL - Online Zëri i Shqiptarëve | ||||
CAMERON SKOCEZËVE - MOS MA THYENI ZEMRËN! E Enjte, 09.11.2014, 08:38am (GMT1) Kryeministri britanik David Cameron po i bën thirrje skocezëve "të mos ja thyejnë zemrën", duke votuar për pavarësinë e Skocisë nga Mbretëria e Bashkuar në referendumin e javës së ardhshme. Zoti Cameron ishte të mërkurën në Edinburg, ku i kujtoi skocezëve historinë e gjatë dhe lidhjet e afërta me Anglinë. Ai tha se do t'i thyhej zemra, në se ajo që ai e cilësoi "familja e kombeve" do të ndahej. Në një shfaqje të rrallë uniteti, kryetarët e partive rivale, asaj laburiste dhe asaj liberal demokrate, ju bashkuan zotit Cameron, të partisë konservatore, duke i bërë thirrje skocezëve të votojnë kundër pavarësisë nga Mbretëria e Bashkuar. Të treja partitë i kanë ofruar autonomi më të gjerë Skocisë, si një alternativë për pavarësinë. Anketimet më të fundit tregojnë se skocezët janë të ndarë, thuajse barabar, për çështjen e pavarësisë. Përkrahësit e pavarësisë thonë se janë duke u sunduar nga një qeveri britanike konservatore, të cilën Skocia, që njihet për prirje liberale, nuk e mbështet. Kundërshtarët e idesë së pavarësisë thonë se një Skoci e pavarur do të përballej me vështirësi ekonomike dhe do të ishte më pak e sigurtë jashtë Britanisë së Madhe, të fortë ekonomikisht. Referendumi është në plan të mbahet më 18 shator. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |