VOAL - Online Zëri i Shqiptarëve | ||||
SOCIALISTËT NË FRANCË HUMBASIN SHUMICËN NË SENAT E Hënë, 09.29.2014, 10:58am (GMT1) Kjo është një humbje tjetër për presidentin socialist të Francës François Hollande. Me zgjedhjet në senat opozita konservatore ka rifituar dhomën e sipërme. Në zgjedhjet e senatit në Francë socialistët e presidentit François Hollande kanë pësuar humbje. Sipas rezultateve paraprake së paku 20 vende të partisë në pushtet në dhomën e lartë i mori partia opozitare konservatore UMP dhe grupimi më i vogël i qendrës së djathtë UDI. Kampi i djathtë arrin në 188 senatorë, që janë 13 më shumë se shumica absolute e 175 vendeve. Kështu që socialistët humbën shumicën në senat. Megjithatë kjo dhomë luan një rol dytësor në legjislacionin francez. Pritej, që partitë e majta të humbisnin shumicën në senat, të cilën e patën fituar për herë të parë para tre vjetësh. Sepse opozita konservatore u forcua shumë nga zgjedhjet komunale në mars dhe këshillat komunalë kanë 95% të personave me të drejtë vote për të zgjedhur senatin. Gjyma e senatit francez zgjidhet çdo tre vjet nga e para. Zgjedhja si matëse e opinionit Në Asamblenë Kombëtare, që është kryesorja, socialistët vazhdojnë të kenë shumicën qeverisëse. Por për ndryshimet kushtetuese janë të nevojshme shumica në të dy dhomat e parlamentit. Por në të njëjtën kohë rezultati i zgjedhjeve në senat, në të cilin rreth gjysma e 348 vendeve u ndryshuan, tregon se sa të papëlqyer janë Hollande dhe socialistët. Për këtë arsye humbja në senat mund të pengojë përpjekjet e qeverisë në Paris për një bërë ndryshime në buxhet. Sukses për Frontin Nacional Sukses mundi të arrijë partia e së djathës ekstreme Fronti National i Marine Le Pen, që fitoi për herë të parë dy vende në senat. Pas fitores së Front National në zgjedhjet evropiane në maj me 25% të votave Le Pen shprehu tani optimizëm edhe për zgjedhjet e ardhshme: "Ne kemi potencial të madh," tha ajo Politikani 26 vjeçar i FN David Rachline është senatori më i ri, që hyn në senat në historinë e republikës së pestë në Francë. Rachline u zgjodh në mars kryetar bashkie në qytetin Frejus në jug të Francës. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |