PROGRAMI BËRTHAMOR I IRANIT
E Hënë, 02.23.2015, 06:33pm (GMT+1)
Sekretari amerikan i Shtetit John Kerry dhe Ministri i Jashtëm iranian Mohammad Javad Zarif u takuan sot për të dytën ditë për të biseduar mbi programin bërthamor të Iranit, ndërsa afrohet afati i caktuar për arritjen e një marrëveshjeje bërthamore.
Në takimin e dy diplomatëve të lartë në Gjenevë ishin të pranishëm edhe shefi bërthamor i Iranit Ali Akbar Salehi dhe Sekratari amerikan i Energjisë Ernest Moniz.
Negociatorët amerikanë dhe iranianë po takohen që nga e premtja, në përpjekje për zgjidhjen e mosmarrëveshjeve teknike që pengojnë arritjen e një marrëveshjeje gjithëpërfshirëse mes Iranit dhe 6 fuqive perëndimore.
Të dyja palët kanë caktuar si afat për arritjen e projektit të marrëveshjes 24 marsin dhe 1 korrikun për një marrëveshje të vazhdueshme e cila do të siguronte që aktivitetet bërthamore të Iranit të jenë për synime paqësore, në këmbim të heqjes së sanksioneve ekonomike ndaj Teheranit.
www.voal-online.ch
|