OBAMA DHE NETANYAHU NUK PAJTOHEN RRETH IRANIT
E Martë, 03.03.2015, 12:02pm (GMT+1)
 Presidenti amerikan, Barack Obama ka thënë se Irani duhet të pajtohet që për një dekadë të ngrijë aktivitetet e saj bërthamore nëse dëshiron të arrihet marrëveshje.
Obama e ka mbrojtur arritjen e mundshme të marrëveshjes gjatë intervistës me Reuters në Shtëpinë e Bardhë, të dhënë më 2 mars, një ditë para shkuarjes së kryeministrit të Izraelit në Uashington.
Kryeministri izraelit, Benjamin Netanjahu do të mbajë sot fjalim në Kongresin amerikan kur pritet të flasë kundër marrëveshjes së mundshme me Iranin.
"Nëse, në fakt Irani pajtohet që për një periudhë të gjatë ta mbajë programin e saj bërthamor aty ku e ka tani, apo që të kthejë prapa disa elemente të programit ekzistues....nëse e arrijmë këtë, dhe e kemi një mënyrë për ta verifikuar këtë gjë, pasi nuk ka asnjë hap tjetër që mund të ndërmarrim dhe që do na jepte neve siguri që ata nuk kanë ndërtuar armë bërthamore", ka thënë Obama gjatë intervistës. www.voal-online.ch
|
Comments (0)
Dërgoja shokut
Printo
