VOAL - Online Zëri i Shqiptarëve | ||||
SENATORËT - FIFA TË MOS E ORGANIZOJË KAMPIONATIN NË RUSI E Enjte, 04.02.2015, 09:10am (GMT1) Pamje e një grupi të senatorëve në mesin e të cilëve gjenden edhe disa nënshkrues të letrës drejtuar FIFA-s Trembëdhjetë senatorë të Shteteve të Bashkuara i shkruan organizatës botërore të futbollit, e njohur me shkurtesën FIFA, duke kërkuar që Kampionati botëror në vitin 2018 të mos mbahet në Rusi. Senatorët Robert Menendez, demokrat nga Nju Xhersi, dhe Ron Johnson, republikan nga Viskonsini, e hartuan këtë letër, të publikuar sot, me të cilën i bëhet thirrje FIFA-s që kampionatin botëror të futbollit ta lëvizë për shkak se Rusia "po vazhdon me shkeljen e integritetit teritorial të Ukrainës". Këtë letër e kanë nënshkruar katër senatorë demokratë dhe nëntë republikanë, në mesin e të cilëve gjendet edhe ish-kandidati presidencial, John McCain. Në letër, po ashtu, senatorët shkruajnë se "duke lejuar që Rusia të jetë mikpritëse e Kupës Botërore të FIFA-s, në mënyrë jopërkatëse e fuqizon prestigjin e regjimit të presidentit të Rusisë, Vladimir Putin, në kohën kur ai duhet të dënohet". FIFA deri tash i ka refuzuar kërkesat e tilla. Rusia në mënyrë ilegale e ka aneksuar Krimenë e Ukrainës, në mars të vitit të kaluar, dhe akuzohet nga Ukraina, shtetet perëndimore dhe NATO-ja, se po i mbështet separatistët prorusë në pjesën lindore të Ukrainës. Rusia i ka hedhur poshtë këto akuza. rel www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |