VOAL - Online Zëri i Shqiptarëve

SHEFI I CIAs E LAVDËRON MARRËVESHJEN ME IRANIN E Mërkurë, 04.08.2015, 07:51am (GMT1) Drejtori i CIA-s, John Brennan, ka mbrojtur marrëveshjen bërthamore me Iranin dhe ka thënë se kritikat për të nuk janë të sinqerta. Në një fjalim në Universitetin e Harvardit, Brenan ka thënë se është befasuar me Iranin, i cili, sipas tij, ka rënë dakord që të bëjë aq shumë lëshime për programin e tij bërthamor, gjatë negociatave me gjashtë fuqitë botërore. Ai ka thënë se njerëzit që mendojnë se marrëveshja i hap rrugën Iranit për të krijuar bombën atomike, nuk janë të sinqertë "nëse i dinë faktet". Kryeministri i Izraelit, Benjamin Netanyahu ka qenë veçanërisht kritik i Marrëveshjes së Lozanës dhe ka thënë se ajo kërcënon ekzistencën e Izraelit. Zyrtarë nga Irani në njërën anë dhe nga Britania, Franca, Gjermania, Kina, Rusia dhe Shtetet e Bashkuara në anën tjetër janë pajtuar më 2 prill në Lozanë të Zvicrës për një marrëveshje kornizë, e cila frenon programin bërthamor të Iranit në këmbim të lehtësimit të sanksioneve ndërkombëtare kundër Republikës Islamike. rel www.voal-online.ch

Copyright © 2005-2008 Nulled by [x-MoBiLe]. All rights reserved.