Berisha, pritje madhështore në Tropojë e Kukës, mesazhi i fitores nga veriu në jug

Kryeministri Berisha u prit dje me një atmosferë madhështore në qytetin e Bajram Currit, ku përveç hapjes së fushatës përuroi edhe disa vepra të rëndësishme publike për zonën. Dhjetramijëra qytetarë janë mbledhur të hënën paradite në qendër të qytetit të Bajram Currit për të marrë pjesë në mitingun e Partisë Demokratike, ku Kryeministri i vendit dhe njëkohësisht kryetari i kësaj force poltike, Sali Berisha mbajti fjalën përshëndetëse. Flamuri amerikan, ai i Bashkimit Evropian, ai kombëtar dhe i PD-së dhe muzika e këngës "Shqipëria po ndryshon", tashmë e kthyer në një himn, prej orëve të para të mëngjesit kanë mbushur sheshin kryesor të qytetit verilindor të Bajram Currit. Nuk mungojnë në këtë ambient festiv dhe grupet e valleve, të veshur me kostumin tradicional të zonës. Mitingu i PD-së është hapur me një koncert festiv të këngëtarëve të njohur të muzikës së lehtë shqiptare. E para është ngjitur në skenën e improvizuar në qendër të qytetit Çiljeta, për të vijuar më pas me grupin nga Tetova "Elita 5", Soni Malaj, Elvana Gjata, etj. Bajram Curri është një qytet alpin i Shqipërisë, qyteti më verior ndërtuar në vend të fshatit të dikurshëm me emrin Kolgecaj.

Kryeministri Sali Berisha, në vigjilje të zgjedhjeve parlamentare në vend, gjatë fundjavës do të jetë në Athinë për një vizitë zyrtare, bëjnë të ditur për korrespondentin e agjencisë NOA, burime zyrtare në kryeqytetin grek.

Berisha, do të marrë pjesë në ceremoninë për prerjen e shiritit të përurimit të muzeut i cili për publikun, në mënyrë të kufizuar do të hapet pas datës 21 qershor dhe disa ditë më pas, për të gjithë publikun. Më 20 qershor, gjatë ceremonisë përuruese, përveç kryeministrit shqiptar do të jenë të pranishëm edhe presidenti i Qipros D. Kristofias, ai Egjiptit Hosni Mubarak, kryeministri i Francës François Figion, ai i Turqisë Rexhep Tajip Erdogan, i Bullgarisë, Sergei Stanisef, Ministri i Jashtëm i Italisë Franko Fratini etj.

Ndërkohë, jehona e çeljes së muzeut të famshëm, pritet të marrë përmasa të gjera globale në mbulimin nga media që e ka marrë përsipër ta menaxhojë dhe spërndajë ERT, rrjeti shtetëror radioteleviziv grek.

Voal-online - Në mitingun e zhvilluar sot në Tropojë premtoi se do ta shndërrojë këtë rreth në zonë evropian, "ku nuk do të ketë asnjë rrugë të paasflatuar”. Kështu u shpreh sot kryeministri Berisha në Tropojë ku ndodhej për një miting në kuadër të fushatës elektorale për zgjedhjet parlamentare. Berisha në vendlindje bëri premtimesh për liberalizimi i vizave, forcimin e ekonomisë dhe rritje të mirëqenies. Berisha iu drejtua kundërshtarit të tij politik në këto zgjedhje, Edi Ramës, duke i bërëi thirrje ta vizitojë Tropojën sa herë të dëshirojë, por siç theksoi Berisha “para se të kërkosh votën e tropojanëve duhet të japësh dorëheqje nga Bashkia e Tiranës”.  Mitingu i Partisë Demokratike u zhvillua në qendër të qytetit të Bajram Currit të cilët ndoqën fjalën e kryeministrit, njëkohësisht edhe kryetar i kësaj partie. Mitingu i PD-së është hapur me një koncert festiv të këngëtarëve të njohur të muzikës së lehtë shqiptare. Në miting kryeministri u shoqërua edhe nga bashkëshortja e tij, Lirie Berisha.

Kombinati i bashkohet projektit të PD për Shqipërinë europiane

Mijëra banorë të Kombinatit bashkohen me projektin e Partisë Demokratike për Shqipërinë europiane. Në një atmosferë entuziaste, kryeministri Berisha përshëndeti përzemërsisht banorët e Kombinatit, duke vlerësuar se Shqipëria këto katër vite ia doli me reforma të thella, të shtohet në vendin lider për investime të huaja, të dyfishojë rrogat dhe pensionet, të nxjerrë 400 mijë shqiptarë nga varfëria. Kryeministri shprehu nderimin e tij për mbështetjen e jashtëzakonshme që banorët e Kombinatit i dhanë Partisë Demokratike katër vite më parë. Kryeministri Berisha theksoi se, ky besim dhe kjo votë u shndërrua në realizimin e njërit prej projekteve më madhore të të gjitha kohërave dhe të kombit shqiptar, anëtarësimin e Shqipërisë në NATO.

 Nis nga Shkodra festa e fitores së 28 qershorit

Dhjetramijëra qytetarë të Shkodrës pritën dje në një miting madhështor kryeministrin Berisha duke rikonfirmuar mbështetjen e padiskutueshme për përsëritjen e fitores së thellë të marsit të vitit 1992. Duke përshëndetur përzemërsisht të gjithë shkodranët, kryeministri Berisha u përcolli atyre mesazhin e fitores ndërsa i ftoi të bashkohen me projektin jetik për Shqipërinë europiane. Kryeministri shprehu bindjen se Shkodra, ashtu si dhe mbarë Shqipëria, nuk do të ndalin hapat e zhvillimit, pasi edhe katër vite projekte të tjera madhore dhe jetike presin realizimin e tyre nga kjo qeveri. Duke e cilësuar këtë miting si një nga mitingjet më madhështore të mbajtura në qytetin verior të Shkodrës, kryeministri Berisha ka shprehur falenderimet dhe mirënjohjen e tij të thellë për të gjithë mbështetjen që qytetarët e Shkodrës i kanë dhënë Partisë Demokratike në vite. "Kam ardhur këtu me qindra herë, por ky është takimi më madhështor që ne zhvillojmë në këtë shesh. Ju sot nuk keni dalë për Sali Berishën, se ai është miku juaj, por keni dalë për Europën, për Shkodrën europiane, për Shqipërinë europiane, për vokacionin tuaj, për besimin tuaj", u shpreh kreu i ekzekutivit.

Kreu i Partisë Shqiptare Demokristiane të Kosovës, Ton Marku dhe ai i Partisë Demokristane të Kosovës për Integrim, Zef Morina, nënshkruan sot marrëveshjen e bashkimit të këtyre subjekteve politike. Partia do të thirret Demokristianët e Kosovës me akronimet PSHDK dhe PDKI deri në mbajtjen e kongresit dhe do të kryesohet nga dy kryetarët aktual.

Kjo mundësi u ofrohet emigrantëve për periudhën 19 qershor deri 30 shtator.

Ndryshe nga herët e tjera që është ofruar kjo mundësi, kur mund të udhëtonin vetëm një herë, emigrantët tashmë kanë të drejtën e dy kalimeve për në vendin e tyre.

Sipas vendimit, kjo bëhet për shkak të zgjedhjeve parlamentare të 28 qershorit në Shqipëri.

Berisha: Rama drejt humbjes së turpshme po kërkon koalicion për bojkotim

Kryeministri Berisha garantoi dje qytetarët e Myzeqesë se, brenda vitit 2010 e gjithë ultësira bregdetare, përfshi dhe Korçën nuk do të kenë asnjë rrugë të paasfaltuar në fshatra dhe qytete. Kreu i qeverisë inauguroi fillimin e punimeve për sistemimin dhe asfaltimin e rrugës Divjakë-Pushimi i Shoferit në Lushnjë dhe më pas zhvilloi një takim me qytetarët e Divjakës. Rruga me gjatësi 27 kilometra kap një vlerë prej 1.1 miliard lekësh. Projekti i rrugës është i konceptuar me të gjithë elementët e një rruge të standardeve më moderne. Duke shprehur bindjen për fitoren në zgjedhjet e 28 qershorit, Berisha u tha qytetarëve të Divjakës se, kurrë nuk është takuar më krenar dhe më ballëlart me ta se sa sot, duke e vënë theksin në realizimin e premtimeve të dhëna katër vite më parë.