Panel diskutimi për të kaluarën komuniste të Shqipërisë në Leipzig

Uwe Schwabbe, kryetar i kryesisë së "Arkivit të Lëvizjes Qytetare në Lajpcig sh.r". thotë se Uwe Schwabbe thotë se publiku gjerman përballet për herë të parë më fakte të tilla tronditëse të terrorit komunist në Shqipëri.

Uwe Schwabbe, kryetar i kryesisë së "Arkivit të Lëvizjes Qytetare në Lajpcig sh.r". thotë se gjatë një vizite në Shqipëri me Fondacionin Federal të Rivlerësimit të së Kaluarës kishte konstatuar sa pak dihej në Gjermani për terrorin komunist në Shqipëri: "Unë vajta atje dhe përjetova që kemi të bëjmë me një njollë të errët në histori, përsa i përket asaj, që ka ndodhur vërtet gjatë diktaturës në Shqipëri nën Hoxhën. Fillimisht unë u trondita, por njëkohësisht edhe u entuziazmova për njerëzit, që takova atje: sa të hapur, sa miqësorë, sa të shpenguar janë ata edhe sot, megjithëse takova njerëz, që kishin ndenjur me dhjetëra vjet në burgjet komuniste. Këtu na lindi ideja që këtë ta bëjmë të njohur edhe në Gjermani."

Uwe Schwabbe, kryetar i kryesisë së "Arkivit të Lëvizjes Qytetare në Lajpcig sh.r

Zoti Schwabbe thotë se e ka tronditur ashpërsia e sistemit komunist në Shqipëri: "Unë besoj se nuk ka pasur komunizëm më të ashpër përsa i përket dënimeve, diktaturës sa ai i Shqipërisë. Ajo që kam mësuar atje, se njerëzit janë futur pa dallim në shtëpi korrektimi, që i kanë internuar, që e kanë pësuar familjet, që u ndalua feja, që nuk kishte sistem drejtësie, sepse Hoxha e përcaktonte vetë ligjin, besoj se kjo diktaturë nuk është e krahasueshme me asnjë vend tjetër."

Historia e Shqipërisë nën terrorin komunist mbizotëroi aktivitetin

Njerëzit ishin të entuziazmuar, por edhe të tronditur

Ekspozita për Shqipërinë është e inkuadruar në një aktivitet të 20 vjetorit të Arkivit të Lëvizjes Qytetare. Zoti Schwabbe thotë se megjithëse të mërkurën (25.03.) në Lajpcig u fol edhe për vende të tjera të Lindjes, si Poloni e Çeki, Shqipëria rezultoi më interesantja: "...më lejoni ta shpreh fare hapur, shqiptari zoti Musta ishte ai, që arriti ta kthejë në të vetin gjithë aktivitetin. Njerëzit ishin kaq të entuziazmuar, por edhe të tronditur për ato, që dëgjuan dhe konstatuan vetë se nuk dinin asgjë për këtë vend. Njerëzit vijnë tani vetëm për të vizituar ekspozitën shqiptare në Shtëpinë e Evropës. Pika kulmore e darkës për mua ishte, kur dëgjova zotin Musta, kur foli për këtë periudhë."

Që nga Lajpcigu, ekspozita për terrorin komunist në Shqipëri do të kalojë në Berlin. Interes për ekspozitën shqiptare, sipas organizatorëve kanë shprehur edhe Dresdeni dhe qytete të tjera të Gjermanisë.

Autor: Auron Dodi

Redaktoi: Angjelina Verbica

(http://www.dwelle.de)