Pothuajse të gjitha vendet e Rajonit i kanë ofruar ndihmë Greqisë dhe kanë shprehur solidaritet për ta ndihmuar atë përballë situatës së pazakontë që po kalon prej 4 ditësh kryeqyteti grek Athinë i rrethuar nga flakët. Qeveria shqiptare tashmë ka zyrtarizuar ndihmën e saj për fshinin jugorë. Në faqen zyrtare të qeverisë është publikuar deklarata e qeverisë shqiptare dhe ndihma që ajo o jep Greqisë për përballimin e zjarreve. Në deklaratën e qeverisë thuhet se kryeministri Berisha i gjendet pranë në këto çacte të vështira popullit grek dhe qeverisë së vendit mik.

Qeveria shqiptare nis drejt shtetit grek një kompani zjarrfikësesh të përbërë nga gjashtë automjete zjarrfikëse si dhe dyzet forca të specializuara. Por dhe vendet e tjera të rajonit kanë lënë mënjanë "inatet e vjetra" me Greqinë dhe i janë gjetur pranë në këtë situatë të vështirë.

Ministrja e Jashtme greke Doras Bakojani ka siguruar ndihmën e qeverisë turke pas një bisede telefonike me homologun e saj Davutoglu. Një avion turk është nisur drejt Athinës për tiu bashkuar operacionit kundër shuarjes së zjarreve.

Edhe Maqedonia ka lënë mënjanë problemet që e lidhin me fqinjin e saj për çështjen e emrit dhe iu bashkua solidaritetit rajonal. Maqedonia konfirmoi se do të vejë në dispozicion tre helikopterë të tipit M-17, me tre ekuipazhe dhe tre zjarrfikëse, të cilët menjëherë janë përfshirë në përpjekjet për shuarjen e zjarreve në Greqi. Në terren qindra zjarrfikëseve dhe avioneve greke prej dy ditësh i janë shtuar avionë zjarrshues nga Italia, Franca. Spanja dhe Qipro. (news24/balkanweb)