Me iniciativen e Kryetarit të Shoqatës së të Henikepuarve dhe Personave me
nevoja të veçanta në Kosovë, Zot.Agim Vatovci, sot në Zyren Administrative të
Mitrovicës veriore është mbajtur një takimi me Zyrtaren Kryesore Ekzekutive të
ZAMV-së, Zonj. Adrijana Hodzic.
Kryetari i kësaj shoqate, Zot.Vatovci ka kërkuar nga Zyra Administrative e
Mitrovicës veriore që të hapet nje zyre brenda ZAMV-së, ku do të punësohej një
person me nevoja të veçanta dhe i cili do të pranonte kërkesat e qytetarëve, e
që do të kishin të bëjnë me personat e hendikepuar dhe personat me nevoja të
veçanta, dhe kështu me përkrahjen e ZAMV-së dhe donatorëve të huaj t'ju dilet
në ndihmë të gjithë atyre të cilët do t'i drejtoheshin kësaj zyreje.
Zyrtarja Kryesore Ekzekutive e ZAMV-së, Zonj.Hodzic ka theksuar se do të
sigurojë një hapësirë brenda ZAMV-së për personin i cili do të punësohej në
pranimin e kërkesave të paraqitura nga ana e qytetarëve që kanë të bëjnë me
qështjet e personave të hendikepuar dhe atyre me nevoja të veçanta.Kjo zyre
është e gatshme t'ju ndihmoje të gjithe qytetarëve në mënyrë të barabartë.
Zyra Administrative e Mitrovices Veriore është një zyrë e natyrës teknike që
ofron shërbime administrative,publike, sociale, arsimore, shëndetësore dhe
infrastrukturore, në mënyrë që të përmirësoj kushtet jetësore të qytetarëve të
Mitrovicës Veriore.