VOAL - Online Zëri i Shqiptarëve | ||||
SHTETËSIA SHQIPTARE - KUJT I JEPET DHE SI PËRFITOHET, PËRJASHTOHEN SHTETASIT E KOSOVËS E Enjte, 07.04.2013, 08:13am (GMT1)
Këshilli i Ministrave përcakton pesë kategori personash që u lind e drejta e marrjes së shtetësisë shqiptare. Së pari, u njihet personave të lindur nga të paktën një prind, që zotëronte shtetësinë ose origjinën shqiptare në momentin e lindjes së kërkuesit, pavarësisht nga vendi i lindjes. Së dyti, u njihet kjo e drejtë personave, të paralindurit me shtetësi shqiptare të të cilëve nuk jetojnë më në momentin e paraqitjes së kërkesës, me kusht që të provohet lidhja familjare në vijë të drejtë e personit kërkues me të paralindurin, i cili ka zotëruar shtetësinë shqiptare. Së treti, personave me origjinë shqiptare që kanë shtetësinë e një shteti anëtar të Bashkimit Europian, SHBA-ve apo një shteti tjetër, shtetasit e të cilit mund të lëvizin pa viza në territorin e shteteve të zonës Shengen apo që janë me qëndrim me dokumentacion të rregullt në njërin prej këtyre shteteve. U jepet gjithashtu personave me origjinë shqiptare që zotërojnë shtetësinë e një shteti tjetër ose janë pa shtetësi, kur një nga prindërit e kërkuesit zotëron shtetësinë shqiptare dhe së fundmi, personave, prindërit e cilëve janë persona me origjinë shqiptare që kanë shtetësinë e një shteti tjetër ose nuk kanë shtetësi dhe kur kërkuesi ka lindur në territorin e Republikës së Shqipërisë. Procedurat e aplikimit
Mund të aplikojnë për dhënien e shtetësisë shqiptare në bazë të legjislacionit
në fuqi, kur vërtetohet se personat e interesuar kanë mbushur moshën 18 vjeç.
Aplikimi mund të bëhet vetëm në rast se ka mendim të Ministrisë së Brendshme se
nuk cenohen siguria dhe rendi kushtetues i Republikës së Shqipërisë. Të
interesuarit duhet të paraqesin kërkesën, së bashku me vetëdeklarimin për
origjinën shqiptare. "Kërkesa duhet të jetë e shoqëruar me vetëdeklarimin e të
dhënave dhe/ose dokumente që provojnë origjinën shqiptare nga paraardhës, të
cilët kanë qenë ose janë jo me shtetësi, por me origjinë shqiptare", përcakton
në Vendim Këshilli i Ministrave. Gjithashtu aplikuesit duhet të provojnë se
janë të paslindur me lidhje familjare deri në tri shkallë nga një person me
origjinë shqiptare, por që nuk ka shtetësi shqiptare në momentin e paraqitjes
së kërkesës. Për fëmijën nën moshën 18 vjeç, kërkesa për fitimin e shtetësisë shqiptare
bëhet nga prindi ose prindërit. Kërkesa bëhet njëkohësisht me kërkesën e vetë
prindit ose pas fitimit prej tij të shtetësisë. Kur fëmija është në moshën 14
deri në 18 vjeç, kërkesa shoqërohet edhe me pëlqimin me shkrim të fëmijës.
a) personave të lindur nga të paktën një prind, që zotëronte shtetësinë ose
origjinën shqiptare në momentin e lindjes së kërkuesit, pavarësisht nga vendi i
lindjes. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |