Vizitat e
gazetarëve të huaj në Shqipëri, ishin të rralla. Mehmet Biber, një
fotograf turk i cili jetonte në Stamboll, mori një vizë nga Ambasada
Shqiptare në Stamboll, vetëm disa muaj pas vizitës nga gazetari Sami
Kohen, që kishte realizuar në Shqipëri. Nga bisedat me Z. Kohen dhe
përvojat e tij, Z. Biber solli një reportazh dhe një set fotosh të plotë
nga Shqipëria të cilat ubotuan në revistën prestigjioze National
Geographic Magazine, në vitin 1980.
"Të realizojmë të gjitha obligimet
tona dhe të shpartallojmë bllokadën", Shkodër 1980. Me këtë slogane të
vendosur në sheshin e qytetit të Shkodrës, e fillon artikullin me titull
origjinal "Shqipëria, e vetme kundër gjithë botës" fotografi Mehmet
Biber, nga revista National Georaphic Magazine.
Izolimi i Shqipërisë nga bota është
rezultat i politikës së brendshme të saj. Pa aleat dhe të rrethuar nga
vendet armike që kanë ambicie historike në tokën e saj, Shqipëria është
organizuar për të vazhduar e vetme nën diktatin e ashpër të Enver
Hoxhës, i cili është duke mbajtur pushtetin për 36 vjet. Kazma dhe
pushka janë simbolet që dominojnë sheshet publike.
Enver Hoxha një ithtar i madh
ideologjisë marksiste-leniniste, ndërpreu marrëdhëniet me Bashkimin
Sovjetik, të cilin ai e konsideronte si "revizionist". Në vitin 1961
Shqipëria, kishte gjetur një aleat të madh: Republikën Popullore të
Kinës, duke shkëputur marrëdhëniet edhe me Kinën në vitin 1978.