KËNGA E PARË
O PREKAZ, PREKAZ ME DIELL,
PREKAZ ME HANË, PREKAZ ME QIELL,
ME DY VLLAZEN FORT TË BUKUR
NË SYTË E ZOTIT LOT I LUMTUR.
DALLËNDYSHJA VAJTON NË PRANVERË,
DIMRI I ZI I RRI NË DERË:
"NA KANË PRISHË KOPUKËT FOLENË,
HARRUAN BESËN, SHKELEN FENË".
BRENGËN TIME S'E MUND HELMI,
SE NJË FJALË MA ÇON ADEMI:
"ILIRË! BËNI SI TË DONI,
MENDOHUNI MIRË, DITË E NATË,
VETËM KURRË, JU MOS BESONI
SE MBIN LIRIA NË TOKË TË THATË.
PËR RINGJALLJEN E ILIRISË,
PO, PO, NDERIT TONË TË VËRTETË,
JA KAM DHANË FJALËN PERËNDISË,
S'E PUSHOJ LUFTËN PËRJETË".
ISHA MBRET, TANI MBETA SHKRET,
NUK E DI ÇKA MË DUHET KJO JETË;
DIKUR ISHA, POR NUK JAM MË,
MË RROFTË SE PATA NAM DHE ZË.
O PREKAZ, PREKAZ ME DIELL,
PREKAZ ME HANË, PREKAZ ME QIELL,
ME DY VLLAZEN RRUFE MOTI
NË SYTË E ZOTIT VDEKJE MORTI.
DALLËNDYSHJA VAJTON NË PRANVERË,
DIMRI I ZI I RRI NË DERË:
"NA KANË PRE KOPUKËT PEMËN,
SHKULEN LULET, DOGJËN VERËN".
　
BRENGËN TIME S'E MUND HELMI,
SE NJË FJALË MA ÇON ADEMI:
"ILIRË! NUK KAM LINDUR ENDE,
MOS U DASHURONI ME MINJTË
MOS U KTHENI NË SHTAZË E SENDE,
MOS U PUTHNI ME KAKËRDHITË.
PËR RINGJALLJEN E ILIRISË,
PO, PO, NDERIT TONË TË VËRTETË,
JA KAM DHANË FJALËN PERËNDISË,
S'E PUSHOJ LUFTËN PËRJETË".
KOMBIT TIM Ç'I KA RA PIKA
ME KUÇEDRA, BUSHTRA, SHTRIGA;
KËMBËKRYQ ULUR SIPAS RENDIT,
NGULIN DHËMBËT NË FYT TË VENDIT.
KËNGA E TRETË
O PREKAZ, PREKAZ ME DIELL,
PREKAZ ME HANË, PREKAZ ME QIELL,
ME DY VLLAZEN ZEMRA ME DERË,
NË SYTË E ZOTIT FLLAD ME NDER.
DALLËNDYSHJA VAJTON NË PRANVERË,
DIMRI I ZI I RRI NË DERË:
"NA KANË TUTË KOPUKËT SHPRESËN,
FYEN JETËN, FRYNË KULETËN".
BRENGËN TIME S'E MUND HELMI,
SE NJË FJALË MA ÇON ADEMI:
"ILIRË! KUR KE FRIKË PËR TË VDEKUR,
ERA TË VJEN TERR E TMERR,
JE NË JETË KËRMË E PATRETUR,
SYTË S'T'I HEDHIN AS DJALL, AS FERR.
PËR RINGJALLJEN E ILIRISË,
PO, PO, NDERIT TONË TË VËRTETË,
JA KAM DHANË FJALËN PERËNDISË,
S'E PUSHOJ LUFTËN PËRJETË".
SE NGA ERDHI KJO FARË FARE,
DERË MË DERË SJELL MORT E MARRE;
SHPIRTI I SAJ, KJO RRENË SHTATZËNË,
SHIN NDËR NE SI KALI NË LËMË.
KËNGA E KATËRT
O PREKAZ, PREKAZ ME DIELL,
PREKAZ ME HANË, PREKAZ ME QIELL,
ME DY VLLAZEN DETE BLERIMI
NË SYTË E ZOTIT VERA GËZIMI.
DALLËNDYSHJA VAJTON NË PRANVERË,
DIMRI I ZI I RRI NË DERË:
"NA KANË FIKË KOPUKËT VATRËN,
LANË DITËN, MORËN NATËN".
　
BRENGËN TIME S'E MUND HELMI,
SE NJË FJALË MA ÇON ADEMI:
"ILIRË! NJERIU ËSHTË NJERI,
KUR FLIJOHET NË EMËR TË NJË FJALE,
KUR DO TJETRIN SI VETEN E TIJ,
ME I DALË ZOT DASHURISË SË MADHE.
PËR RINGJALLJEN E ILIRISË,
PO, PO, NDERIT TONË TË VËRTETË,
JA KAM DHANË FJALËN PERËNDISË,
S'E PUSHOJ LUFTËN PËRJETË."
NË DAÇ NA ZIEJNË, NË DAÇ NA PJEKIN,
NË DAÇ NA MBYTIN, NË DAÇ NA DJEGIN;
QË TA BËJNË ME VAJ NJË FËMIJË,
VRASIN NËNËN QË U KA DHËNË GJI.
KËNGA E PESTË
O PREKAZ, PREKAZ ME DIELL,
PREKAZ ME HANË, PREKAZ ME QIELL,
ME DY VLLAZEN KROJE ILIRE
NË SYTË E ZOTIT VATRA MIRËSIE.
DALLËNDYSHJA VAJTON NË PRANVERË,
DIMRI I ZI I RRI NË DERË:
"NA KANË THA KOPUKËT KULLOTËN,
MBYTEN LULET, VRANË TOKËN".
　
BRENGËN TIME S'E MUND HELMI,
SE NJË FJALË MA ÇON ADEMI:
"ILIRË! KUR T'JU MARRIN MALLI,
MUA MË GJENI LUMË MË LUMË,
TE ÇDO KRUA, MAJË ÇDO MALI:
NA THAHEN TROJET PA UJËSHUMË.
PËR RINGJALLJEN E ILIRISË,
PO, PO, NDERIT TONË TË VËRTETË,
JA KAM DHANË FJALËN PERËNDISË,
S'E PUSHOJ LUFTËN PËRJETË".
NA HANË JETËN, NA PINË FRYMËN,
LULE MË LULE PJELLIN BRYMËN,
BARKPANGINJUR ME RRENA E KOB,
ZILI I PASKAN DERR E KORB.
TIRANË
1999-2009
Comments (0)
Dërgoja shokut
Printo
