Nxënësit dhe nxënëset e Gjimnazit "Loyola" në Prizren morën pjesë për herë të parë në këtë vit në provimin e diplomës së gjuhës gjermane, i cili mbahet nën përkujdesjen e Konferencës Gjermane së Ministrave të Kulturës. Bëhet fjalë për një provim, i cili është përpiluar në Gjermani, rezultatet e të cilit shqyrtohen po atje.

Këtij provimi i nënshtrohen çdo vit rreth 17 mijë nxënës nga e mbarë bota. Kalimi me sukses i këtij provimi, nga aspekti gjuhësor është kusht, që pas përfundimit të shkollimit të mesëm nxënësit dhe nxënëset e huaj/a të mund të fillojnë studimet në universitete të ndryshme në Gjermani. 21 nxënësit dhe nxënëset e Gjimnazit "Loyola", të cilët e kanë kaluar provimin këtë vit, kanë arritur suksese të shkëlqyeshme.

Presidenti i Shqipërisë, Bamir Topi, tha sot se fushata e zgjedhjeve parlamentare po zhvillohet normalisht dhe se konkurentët po arrijnë të shpalosin pikpamjet e tyre. Në një bisedë me korrespondentin e Zërit të Amerkës, Ilirian Agolli, zoti Topi u tërhoqi vemendjen partive politike se gjatë kësaj fushate ata nuk po japin deklarata të qarta për reformën në drejtësi. Ajo çka presin të gjithë është që kjo fushatë të konkludojë në mënyrën më të mirë të mundshme, në parametra mjaft civilë në standarte demokratikë dhe kjo në radhë të parë ka të bëjë me partitë politike që janë në fushatë. Ajo që është më e rëndësishmja është që data 28 qershor të jetë dita e kurorëzimit të fryteve të demokracisë në Shqipëri. Padyshim që kjo fushatë është një arritje e konsiderueshme krahasuar me fushata të tjera zgjedhore. Po zhvillohet përgjithësisht në një klimë të qetë. Njerëzit janë të pranishëm. Kandidatët, me sa kam parë, nuk kanë kontestime të dukshme lidhur me hapësirat e tyre.

Më 13 qershor në një nga mjediset e kolegjit Monroe në Nju Jork u zhvillua seminari mbi 100 vjetorin e botimit të numërit të parë të gazetës Dielli, që më pas do të bëhej organ i Federatës mbarë shqiptare të Amerikësë, Vatra. Në seminar morën pjese edhe një grup studiues e historianësh nga trojet shqiptare dhe diaspora, SHBA e Kanada, të cilët paraqitën kumtesat e tyre mbi rolin e gazetës Diell në çështjet kombëtare.

James Adam "Jim" Belushi është një aktor, komedian dhe muzikan amerikan. Xhejms Belushi (ose Xhim Belushi, siç thërritet nga të gjithë) lindi më 15 qershor të vitit 1954 në Çikago (Ilinois), është aktor i kinematografisë, teatrit dhe televizionit në SHBA me prejardhje shqiptare. Fëmijërinë e rininë e kaloi në Veaton (Ilinois). Është fëmija i tretë nga katër fëmijët e Adem dhe Agnesë Belushit. Babai i tij, Ademi, emigroi në SHBA, duke lënë vendlindjen, fshatin Qytezë, në vitin 1934 në moshën 15 vjeçare. Ndërsa nëna e tij, Agnes Belushi, lindi në SHBA, bijë e një emigranti shqiptar. Vëllai i tij më i madh ishte Xhon Belushi (John Belushi), vdekur më 1982, aktor gjenial i skenës së Hollivudit dhe shoqërisë në SHBA. Xhimi studioi në universitetin e Ilinoit të quajtur Southern Illinois University Carbondale dhe u specializua në degët e Artit: Të shprehurit dhe Teatri. Nga viti 1977 deri më 1980, Xhimi, ashtu si Xhoni, punoi së bashku me grupin teatror të Çikagos të quajtur: The Second City. Gjatë kësaj periudhe prezantohet si debutues në televizion më 1978, në :Who's Watching the Kids po ashtu kishte një rol të vogël në serinë The Fury të regjisorit Brian De Palma.

Njeriu që na mblodhi edhe në këtë përvjetor përjetësimi, që na nderon në të gjitha ditët, stinët e vitet me veprën e tij, polici i shtetit,  Azem Ali Meshi, i lindur në Kosturr të Hasit, më 20 qershor 1968 dhe i rënë me lavdi në krye të detyrës më 3 qershor 1999 për ruajtjen e rendit e të sigurisë, sot është 41 vjeçar, sepse ka moshën e kujtesës historike: Moshën e Dëshmorit të Atdheut.  Akti i tij i sakrificës më të lartë njerëzore në emër të interesave të shtetit, për shkak të cilësive të veçanta të detyrës, akti i tij i 3 qershorit 1999 i përballjes misionare e sublime me bandën e zezë të krimit në Yzberisht të Tiranës, tregon se shteti kërkon ligjin, të drejtën, të vërtetën, se mbrojtësit me uniformë të shtetit ligjor janë në lartësinë e kohës, detyrës e vetëmohimit.

Me rastin e dy mijë vjetorit të lindjes së Shën Palit, sot në Prishtinë u organizua një simpozium shkencor me temë: “Shën Pali, apostulli i popujve dhe ungjillëzuesi ynë”. Në rrugëtimin e tij nëpër vise të ndryshme, ai zgjodhi edhe Ilirinë, që dëshmon lashtësinë, traditën dhe kulturën tonë si popull Biblik, u tha në këtë simpoziumin e organizuar nga Kisha Katolike, Universiteti Mbretëror “Iliria” dhe nën përkujdesjen e Kryetarit të Kuvendit, Jakup Krasniqi. Studiues në simpoziumin shkencor vlerësuan se misioni i Shën Palit, ishte përhapja e mirësisë, dashurisë, paqes dhe tolerancës. Kryetari i Kuvendit të Kosovës, Jakup Krasniqi, nën përkujdesjen e të cilit u organizua simpoziumi, tha se Shën Pali zgjodhi edhe paraardhësit e shqiptarëve, duke i bërë ata pjesë të filozofisë së re për një drejtësi e solidaritet njerëzor.