Voal-online Klubi i Zyrihut i Hokeit në akull (Zürcher Eishockey Club) ZSC Lions pas disa muajsh, pikërisht më 29 shtator, do të luajnë në Hallenstadion kundër ekipit bazë gjashtëlojtarësh, fitues të Ligës Kombëtare Amerikane të Klubeve të Hokeit, pra kundër Chicago Blackhawks (Fajkojtë e zinj të Çikagos). Presidenti klubit René Fasel thotë se ishte ëndërra e tij që ekipi zyrihas të ndeshet me Çikagon. "Kështu kemi përballë njëri tjetrit, klubin më të mirë amerikanë kundër klubit më të mirë europian," tha ai. Paraqitja sa më e mirë e vendasve në Zyrih do t'i ndihmojë ata edhe në mbështetjen e sponsorëve sa më të fuqishëm, pra edhe në të ardhmen e klubit, i cili vjen me pretendime gjithnjë e më të mëdha në sportin përkatës zviceran dhe europian.