Ndërron jetë vajza 4 vjeçare e legjendës Majk Tajson
E Mërkurë, 05.27.2009, 11:15am (GMT+1)
 Vajza 4-vjeçare e ish-kampionit të boksit në peshat e rënda, Mike Tyson, ndërroi jetë pasi u gjet me një litar aksidentalisht të lidhur rreth fytit në shtëpinë e saj, bëri sot të ditur policia.
Mediat raportuan se Exodus Tyson po luante pranë një pajisjeje stëvitjeje kur aksidentalisht një litar i ka mbetur rreth qafës.
Vajza ishte në shtëpi me nënën e saj dhe ishte vëllai i saj shtatë vjeçar, i cili e gjeti motrën në gjendje të rëndë.
Nëna e vajzës e liroi nga litari dhe u mundua ta shpëtonte. Më pas vajza u dërgua në një spital të Phoenix në gjendje kritike.
Tyson nuk ishte në Phoenix atë ditë por disa orë më vonë është shfaqur në televizion ndërsa ka mbërritur në spital.ATSH-Reuters/
www.voal-online.ch
|
Comments (0)
Dërgoja shokut
Printo
