"Gladiatori" film sekret i Barcelonës përpara finales së Romës
E Premte, 05.29.2009, 12:28pm (GMT+1)
Për t'i karikuar lojtarët e tij pikërisht përpara finales së Ligës së Kampionëve të Romës të mërkurën, trajneri i FC Barcelone, Pep Guardiola, u shfaqi një video që tregonte pamje nga filmi "Gladiator", njoftoi sot e përditshmja spanjolle "El Pais". Pak përpra fillimit të ndeshjes, që u fitua 2-0 përballë Manchester United, Guardiola e shkurtoi nxehmjen e e lojtarëve për t'u treguar një video që tregonte pamje nga filmi i Ridley Scott, fitues i pesë çmimeve Oscar në vitin 2000. Kjo video prej shtatë minutash, e montuar posaçërisht nga një gazetar mik i Guardiolas, tregonte gjithashtu disa nga fazat më të mira të lojës së secilit prej lojtarëve gjatë sezonit. Ajo përfundonte me një reklamë të kumbarit sportiv të Barçës ku shfaqej ky tekst: "Ne jemi qendra e fushës, ne jemi saktësia jonë, ne jemi përpjekja jonë, ne jemi sulmues që mbrojmë, ne jemi mbrojtës që sulmojmë, ne jemi shpejtësia jonë, ne jemi mirënjohja e kundërshtarit tonë, ne jemi çdo gol që shënojmë, ne jemi ata që kërkojmë gjithmonë golin në portën e kundërshtarit. NE JEMI NJËSH". "El Pais" njoftoi se në fund të filmit kur u ndezën dritat në dhomën e zhveshjes" disa lojtarë po qanin dhe thirrjet e tyre tregonin se objektivi ishte arritur". Guardiola i la më pas të hynin në stadiumin olimpik të Romës, pa u thënë as edhe një fjalë të vetme. ATSH/AFP
www.voal-online.ch
|