Kreu i Federatës Evropiane të Futbollit (UEFA), Mishel Platini, ka akuzuar "banditët" për rritjen e çmimit të hoteleve në Ukrainë, në prag të Kampionatit Evropian të Futbollit Euro 2012.

Ukraina, së bashku me Poloninë, do të jenë nikoqire të evenimentit që do të zërë vend gjatë muajit qershor.

Pllatini, duke folur në qytetin Lvov të Ukrainës, tha se disa hotele kanë rritur çmimet dhjetëfish.

Zëvendëskryeministri ukrainas, Boris Kolesnikov, ka premtuar se do të ndërmerren aksione "brenda 30 ditëve të ardhshme" për të zgjidhur problemin.