VOAL - Online Zëri i Shqiptarëve - HIDHET SHORTI I LIGËS SË KAMPIONEVE, REAL-BAYERN, CHELSEA-ATELTICO MADRID

ZVICËR - Në Nion të Zvicrës u hodh shorti i gjysmëfinaleve të Ligës së Kampioneve. Nuk kishte si të ndodhte ndryshe, përveçse të kishim përplasje të ethshme në këtë raund të kompeticionit më të lakmuar në Europë për klubet. Dhe goglat e tërhequra nga Luis Figo kanë përballur para finales dy skuadra gjigante, Bajernin e Mynihut me Realin e Madridit.

Bavarezët janë në kërkim të mbrojtjes së kurorës, ndërsa madrilenët në kërkim të "decima"-s. Surpriza, nëse mund ta quajmë kështu, por që eliminoi në cerekfinale Barcelonën e Lionel Mesit, Atletiko Madrid, do të ketë punë me londinezët e Celsit. Diego Simeone do të ketë një tjetër shans për ta dëshmuar veten një strateg i zoti, kësaj here duke sfiduar "Special One", Hoze Mourinjon.

Ky i fundit ka evituar në këtë raund një përplasje me skuadrën tjetër të Madridit, Realin, të cilin e drejtoi deri në fundsezonin e shkuar. Megjithatë, Mourinjo do të rikthehet në kryeqytetin spanjoll për të luajtur ndaj Atletikos, që është si njëlloj derbi për të, sepse të tillë e ka luajtur disa herë në sezonet e kaluara, kur ishte në stolin e "Los Blancos".