Foto: Reuters - 2014-06-19 01:49:33
Kroacia i ka mbajtur gjallë shpresat për kualifikim në
mesin e 16 skuadrave më të mira në Kampionatin Botëror duke mposhtur me
lehtësi Kamerunin me rezultat 4 me 0.
Kombëtarja nga Ballkani tregoi fuqinë e saj duke mposhtur
afrikanët që pjesën e dytë të takimit e zhvilluan me një lojtar më pak
pasi Alex Song u ndëshkua direkt me karton të kuq pasi me goditi Mario
Manxhukiqin në shpinë.
Tani kroatët pozicionohen në pozitën e tretë të grupit A me tre pikë,
një më pak se Brazili dhe Meksiko, me të cilën do të përballet në
xhiron e fundit të fazës grupore.
Serinë e golave për Kroacinë e nisi Ivica Oliq në minutën e 11 pas
asistimit të Ivan Perishiq. Me këtë gol, ish-lojtari i Bayern Munichut
bëhet lojtari më i vjetër në kombëtaren kroate që shënon gol në një
Kampionat Botëror.
Në fillim të pjesës së dytë, portieri kamerunas Itandje gaboi në
pasim dhe topi i erdhi Perishiqit që me një aksion "solo" realizoi për 2
me 0 në minutë ne 48.
Fatin e këtij takimi e vulosi Manxhukiq që pas harkimit të Daniel Prjanjiq realizoi me kokë për 3 me 0 në minutë e 61-të.
Por sulmuesi shtatlartë nuk u ndal me kaq pasi në minutën e 73-të
realizoi edhe golin e dytë personal dhe të katërtin për Kroacinë që
eleminoi Kamerunin nga ky Kampionat Botëror.za