VOAL - Online Zëri i Shqiptarëve

SHQIPTARËT PUSHTOJNË BUNDESLIGËN E Djelë, 08.03.2014, 08:41am (GMT1) Një kampionat i fortë me shumë shqiptarë. Bundesliga gjermane, që llogaritet njëra prej ligave më të forta në Evropë, këtë herë do të kenë numër të madh shqiptarësh. Si kurrë më parë, pjesë e elitës së futbollit gjerman deri më tani janë bërë dhjetë shqiptarë. Ky numër mund të rritet, nëse Ilir Azemi kalon tek Eintracht Frankfurti, të cilët po i japin 2 milionë euro për sulmuesin llapjan të Greuther Furthit, por është skuadra e tij që nuk po e refuzon ofertën.   Katërshja e Zvicrës Katër nga pesë shqiptarët që luajtën në Kampionatin Botëror me Zvicrën, tani do të sfidojnë njëri-tjetrin. Këtë numër e shtoi Valon Behrami, që nga Napoli të premten iu bashkua Hamburgerit në stërvitje. Nënshkrimi pritet të bëhet sot. Xherdan Shaqiri me gjasë edhe këtë edicion do të veshë fanellën e Bayern Munichut, bashkë me Ylli Sallahin, i cili pritet të jetë sërish pjesë e ekipit të parë të gjigantit botëror. Granit Xhaka po ashtu do të mbetet në Borussia Monchengladbach, me të cilët nisi përgatitjet ditë më parë, kurse Admir Mehmedi do të bëjë gola sërish me Freiburgun.   Treshja kuqezi Mërgim Mavraj, Alban Meha, dhe së fundi, Valmir Sylejmani, që pranoi të veshë fanellën e Kombëtares U-21 të Shqipërisë, do të jenë në Bundesligën 1. Mavraj rikthehet me Kolnin, tek e cila kaloi sapo u mbyll kampionati i Bundesligës 2. Meha u inkuadrua me Paderbornin, kurse Sylejmani ishte pjesë e Hannoverit edhe vitin e kaluar.   Treshja e Kosovës Ylli Sallahi, Donis Avdijaj e Albion Avdijaj, janë tre lojtarët që pritet të luajnë për Kosovën. Madje, ky i fundit ishte edhe në miqësoret me Turqinë e Senegalin. Me këtë të fundit, luajti titullar. Albioni tek dje (e premte) u rikthye te Wolfsburgu, pas huazimit tek Grasshopersi i Zvicrës. Donisi për herë të parë pritet të jetë pjesë e ekipit të parë të Schalkes, me të cilët po shkëlqen në miqësore, kurse Sallahi do të jetë edhe në ekipin B edhe në atë A të Bayernit.   Shqiptarët e Bundesligës Xherdan Shaqiri (Bayern Munich) Valon Behrami (Hamburger SV) Granit Xhaka (Borussia M.) Admir Mehmedi (SC Freiburg) Mërgim Mavraj (Koln) Alban Meha (Paderborn) Ylli Sallahi (Bayern Munich) Donis Avdijaj (Schalke 04) Valmir Sulejmani (Hannover 96) Albion Avdijaj (Wolfsburg) www.voal-online.ch

Copyright © 2005-2008 Nulled by [x-MoBiLe]. All rights reserved.