VOAL - Online Zëri i Shqiptarëve

FUTBOLL - REKOMANDOHET QË BOTËRORI 2022 TË MBAHET NË NËNTOR E Martë, 02.24.2015, 12:17pm (GMT1) Kampionati Botëror i Futbollit në Katar, më 2022, duhet të mbahet në nëntor ose dhjetor, ka rekomanduar një task-forcë e FIFA-s. Zyrtarët kryesorë të futbollit janë takuar në Doha për të diskutuar alternativat, pasi zhvillimi i kampionatit në verë mund të rrezikojë shëndetin e lojtarëve dhe tifozëve. Temperaturat gjatë verës në Katar mund të arrijnë në 40 gradë Celsius, ndërsa në nëntor dhe dhjetor bien në rreth 20. Rekomandimi i sotëm pritet të ratifikohet nga komiteti ekzekutiv i FIFA-s në Zyrih më 19 dhe 20 mars. Shefi i task-forcës, sheiku Salman bin Ebrahim Al-Khalifa, po ashtu ka rekomanduar që turneu i vitit 2022 të shkurtohet për disa ditë. Por, nuk ka plane për të reduktuar madhësinë e turneut nga 32 ekipe dhe 64 ndeshje. rel www.voal-online.ch

Copyright © 2005-2008 Nulled by [x-MoBiLe]. All rights reserved.