Yjet e Real Madridit si Karim Benzema, Lassana Diarra dhe Mahamadou Diarra nuk do t'i pengojë agjërimi për të luajtur.

Ekspedita e Përfaqësueses së Kosovës në xhudo, udhëton nesë për në Roterdam të Holandës, ku do të marrë pjesë për herë të parë në Kampionatin botëror për të rritur. Kosovën në këtë aktivitet do ta prezantojnë Majlinda Kelmendi (52 kg), Nora Gjakova (57 kg), Zymer Zekaj (73 kg) dhe Shkumbin Dautaj (81 kg). Sipas përzgjedhësit Driton Kuka gjasa për kryesim ka Majlinda Kelmendi, e cila është sportistja më e shquar e përfaqësueses së Kosovës, e cila në rast të fatit në tërheqjen e shortit ka mundësi të renditet në mesin e 10 më të mirave në kategorinë e saj. Do theksuar se në këtë Kampionat botëror marrin pjesë 105 shtete, kurse në mesin e garuesve janë edhe 9 fitues të medaljeve të arta. Garat mbahen prej 26 deri më 31 gusht në ‘Ahoy Arena’ në Roterdam.

Ngasësi brazilian, Rubens Barrichelo ka shënuar fitore në garën për Çmimin e Madh të Evropës, që u mbajt në shtegun e Valencisë. Për Barrichelon kjo është fitorja e 10-të në karrierë, por e para në pesë vitet e fundit.

Braziliani e shfrytëzoi në mënyrën më të mirë ngecjen prej 14 sekondash të Luis Hamiltonit në hyrjen e dytë në boks dhe e tejkaloi. Më pas braziliani pa ndonjë vështirësi arriti ta ruajë pozitën kryesuese. Në podiumin e fituesve krahas Barrichelos u ngjit edhe kampioni në fuqi, Hamilton dhe ngasësi i Ferrarit, Kimi Raikonen. Ngasësi britanik, Xhenson Baton e mbylli garën në pozitën e shtatë, por edhe më tej kryeson renditjen e përgjithshme, me 18 pikë përparësi ndaj kolegut të tij të skuadrës, Rubens Barrichelo.

Usain Bolt përfundimisht është një legjendë e sportit. Xhamajkani ka vendosur rekordin botëror në garën e 200 metrave, duke dhënë kohën 19 sekonda e 19 të qindtat. Bolt e përmirësoi me 11 të qindtat rekordin e mëparshëm, që mbahej po prej tij. Usain Bolt ka çuditur sërish botën, duke fituar medaljen e artë në garën e 200 metrave dhe duke vendosur një rekord të ri. Në kampionatin botëror të atletikës, xhamajkani tregoi sërish se nuk njeh rivalë, duke i përshkruar 200 metrat në kohën 19 sekonda e 19 të qindtat. Një rekord i ri botëror që e ul me 11 të qindtat atë ekzistuesin, por dhe një tjetër medalje ari për të. Bolt konfirmohet kështu si mbreti i atletikës, por edhe si njeriu më i shpejtë i planetit Tokë.

Ndërkohë mediat pyesin: a është femër apo mashkull? Federata Ndërkombëtare e Atletikës ka bërë një sërë shqyrtimesh për të sqaruar identitetin gjinor të jugafrikanes, e cila ka fituar medaljen e artë në finalet botërore.

Voal-online Femër apo jo? Në Botëroret e atletikës të Berlinit shpërthen rasti Caster Semenya, 18 vjeçares jugafrikane që ka fituar mbrëmë, me një largësia marramendëse ndaj të tjerave, medaljen e artë në 800 metra femërore.

 E ka saktësuar IAAF pas dyshimeve për Bolt shprehur në media

Voal-online –Aspak doping në 100 metra: janë të pastër tetë vrapshpejtët që kanë marrë pjesën në finalen e sprintit të Botërorit të atletikës. E ka saktësuar Federata Ndërkombëtare e Atletikës (IAAF). Zëdhënësi Nick Davis ka thënë se “të tetë finalistët janë me rezultate negative në testet e zhvilluara gjatë gjithë stinorit”. Rekordi 9’’58 nga Usain Bolt që kaloi rekordin e tij të mëparshëm botëror u prit me dyshime nga mediat.

 Usain Bolt edhe njëherë dëshmoi se kush është njeriu më i shpejtë në botë. Atleti nga Xhamajka bëri një paraqitje të shkëlqyeshme në garën e 100 metrave në serinë finale të Kampionatit botëror të atletikës në Berlin, duke regjistruar rekordin e ri botëror 9,58 sekonda, i cili është 11 të qindtat më i shpejtë se rekordi i mëparshëm. Shkëlqyer është paraqitur edhe Tyson Gay, i dyti, me 9 sekonda e 71 të qindtat, si dhe Asafa Powell, i treti, me 9 sekonda e 84 të qindtat. Rekordi i Bolt shënon një hop tjetër në këtë garë, duke zbritur për të parën herë poshtë 9,6 sekonda. Kështu ai thyen rekordin e tij të vendosur në Pekin, saktësisht një vit më parë, më 16 gusht 2008, me 9 sekonda e 69 të qindtat. "Hallo, hallo, hallo... " ka thënë kampioni. “Isha këtu për titull, jo për rekord. Doja vetëm të kënaqesha. Ia arrita. Absolutisht.”