VOAL - Online Zëri i Shqiptarëve | ||||
"NJË FUKUSHIMË NË ZVICËR? NUK KEMI PLANE EVAKUIMI" E Martë, 06.07.2011, 11:09am (GMT1)
Voal-online - Zvicra duket e papërgatitur në rastin e një katastrofe bërthamore. Duke iu përgjigjur një kërkese të këshilltares kombëtare (deputete) Franziska Teuscher (Gjelbër/Bernë), këshilltari federal Ueli Maurer ka pranuar «se nuk di» ku t'i transferojë dhjetëra mijëra persona në rastin e një incidenti si ai që ka ndodhur në centralin e Fukushimës. Gjatë orës së pyetjeve të bëra Teuscher i është drejtuar kreut të Departamentit Federal të Mbrojtjes për të ditur se cilat do të ishin planet e evakuimit dhe vendosjes së popullsive viktima të një incident eventual të rëndë të një centrali bërthamor. "Ndershmërisht nuk do të dija ku t'i strehoja njerëzit" Teuscher ka replikuar duke thënë se me pyetjen e saj nuk e kishte fjalën për një incident të thjeshtë, por për një katastrofë e cila kërkonte evakuimin e 500 000 vetave në një kohë të shkurtër. Maurer është përgjigjur: «Nëse diçka e tillë do të ndodhte dhe disa dhjetëra mijëra njerëz do të duhej evakuuar, aktualisht nuk di se ku do t'i çonim. Duhet ta them ndershmërisht.». Strehimet ofrojnë sigurisht mbrojtje, por nuk është e qartë si do të shkonin punët në rast të një incidenti të rëndë. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |