Një skiator spanjoll 24 vjeç, i mbijetoi sot një rënieje prej 500 metrash në Alpet zvicerane pranë Zermatt-it, në kantonin Valais, duke pësua8r vetëm plagë të lehta, mësohet nga burime policore.
Një dëshmitar njoftoi sot rënien e një skiatori në një korridor të Liskamm-it, një mal në lindje të Cervinit në kufi me Italinë, njofton policia e kantonit Valais përmes një komunikate.
"Skuadrat e shpëtimit, të dërguara menjëherë në vendin e ngjarjes, e gjetën skiatorin me plagë të lehta. Shtetasi spanjoll, 24 vjeç, sapo ishte rrëzuar nga 500 metra lartësi në një korridor të faqes veriore të Liskamm-it, një mal 3 500 metra i lartë", shtoi policia.
Skiatori, i cili nuk ndodhet në rrezik për jetën, është dërguar në spital me helikopter. ATSH-AFP
Comments (0)
Dërgoja shokut
Printo
