Voal-online Sipas Unionit Zviceran të Sipërmarrësve (USI), rritja e papunësisë në vend pritet të kalojë pragun e parathënë nga Sekretariati i Shtetit i Ekonomisë (SECO): shkalla e njerëzve pa punë do të ishte diku rreth 5,7%, një 0,5% më shumë se ishte hamendur për vitin 2010 nga ekspertët e SECO.
Alarmin e ka dhënë drejtori i USI, Thomas Daum, në një intervistë të dhënë në të përditshmen romande "Le Matin", që nënvizon se, sipas parashikimeve të tij pesimiste, gjendja do të përkeqësohet në fillim të vjeshtës që vjen.
Si shembull tipik së prirjes së ardhshme Daum merr vendimin e ndërmarrjes së orëve Frank Müller për t'i shkurtuar brenda fundit të muajit 200 vende pune nga 428 gjithësejt, duke treguar sesi situata të tilla mund të verifikohen "një herë në muaj". Gjithsesi kreu i pronarëve e relativizon skenarin e së ardhmes duke afirmuar se "nuk jemi përballë një katastrofe absolute".
Pa vënë ndonjë theks për zgjatjen e krizës, drejtori ka dëshiruar të tregohet besues se "kur të kemi kthesën pozitive, atëherë do të ndjehemi mirë në ashensor".
Comments (0)
Dërgoja shokut
Printo
