VOAL - Online Zëri i Shqiptarëve

Mark Forster flet për filmin e ri dhe të bijën Lia Enéa
E Martë, 06.09.2009, 01:43pm (GMT1)

 

 

 

 

 

Voal-online – Regjisori i famshëm zviceran i Hollivudit Marc Forster pati dje në Zyrih premierën e filmit të tij më të shkurtër. Filmi kushtuar kompanisë zvicerane të fluturimit Swiss, me titull „LX Forty“ është një spot publicitar, i pari për regjisorin në gjithë karrierën e tij. „LX Forty, numri i avionit të linjës direkte Zyrih-Los Anxhelos, përmban edhe një arsye tjetër pse Forster i jep atij rëndësi: Regjisori i filmit të fundit të serisë „Bond“ (Quantum of Solace) në filmin e realizuar në mënyrë kompjuterike ka qënduar vetë përpara kamerës. Dhe është hera e parë për regjisorin që të qëndrojë para kamerës.

 

Me rastin e premierës së filmit “LX Forty” regjisori iu ka folur gazetarëve edhe për fëmijën e tij të parë. Ka lindur më 1 qershor në spitalin Paracelsus në Richterswill. Fëmija është një vajzë me emrin Lia Enèa. Vajza jonë dhe partnerja ime Dana janë shëndosh e mirë, iu ka thënë Forster gazetarëve.

 

I pyetur nëse do të vazhdojë të bëjë filma të tjerë për serialin „Bond“, Forster është përgjigjur se ende nuk ka vendosur. Duke folur për planet e ardhshme kinematografike ai ka thënë se ka ndërmend të bëjë një film me titull „Disconnect“ (Çlidhja). Në qendër të tij është mënyra si komunikojnë sot njerëzit nëpërmjet teknologjive të reja. „Njerëzit komunikojnë,“ ka thënë ai, „megjithëse shpesh nuk kanë se çfarë t’i thonë njër tjetrit.“

www.voal-online.ch


Copyright © 2005-2008 Nulled by [x-MoBiLe]. All rights reserved.