VOAL - Online Zëri i Shqiptarëve - FALCIANI: "MË RREZIKOHET JETA"

Informaticieni franko-italian dyzetvjeçar ua dha më 2009 të dhënat banakre autoriteteve franceze. Këto të dhëna iu përkasin rreth 3000 evazorëve, klientë të HSBC Private Bank (Suisse) të Gjenevës

Voal-online - Hervé Falciani, ish informaticien pranë selisë gjenevase të bankës HSBC, që ia dha Francës një listë të evazorëve të mundshëm fiskalë, druan për jetën e tij. Në një intervistë për të përditshmene ekonomike italiane Sole 24 Ore, pohon se ndihet i braktisur dhe se dëshiron “të shkojë në Zvicër e ta mbyllë këtë histori atje ku ka nisur”.

Falciani është arrestuar më 1 korrik në Barcelonë. Mes 2006 e 2007 kishte vjedhur të dhëna bankare të institutit privat gjenevas dhe ua kishte dorëzuar autoriteteve financiare franceze.

Prokuroria e Zvicrës ka hapur një hetim penal ndaj ish punonjësit të HSBC për vjedhjen e të dhënave bankare. Falciani ishte i hetuar ndërkombëtar nga janari 2009. Drejtësia frnaceze ia kishte sekuestruar dokumentacionin - dorëzuar nga Falciani prokurorit të Nicës Eric de Montgolfier, i cili hetonte për riciklim - në janar 2009, por ngjarja doli në dirtë vetëm në dhjetor të atij viti.

Parisi ka identifikuar 3000 kontribues francezë që ua kanë fshehur taksave dhe tatimeve. Kryeqyteti francez i ka kaluar Madridit dhe Romës me mijëra informacione për kontribuesit italianë e spanjollë. Pastaj Franca ia ka kaluar informacionet Zvicrës, por pasi i ka manipuluar policia. Sipas Il Sole 24 Ore, në të dhënat e sekuestruara në Francë janë edhe shumë sekrete të HSBC. Bëhet fjalë për operacione të ligjshme, por edhe për operacione të dyshimta. (rsi)