Voal-online Mund të quhet e mbyllur përballja që ka pasur palë të kundërta UBS dhe autoritetet financiare amerikane. Të mërkurën, në fakt, në rrjedhën e konferencës së katërt telefonike me gjyqtarin amerikan të ngarkuar mr rastin, Alan Gold, të dyja palët kanë siguruar të kenë përmbyllur aspektet e mbetur pezull të marrëveshjes në parim arritur më 31 korrik dhe të jetë gati për firma. Hollësitë e marrëveshjes nuk do të saktësohen deri në nënshkrimin e kompromisit.
Nga fundi i korrikut financa amerikane dhe banka zvicerane kërkojnë një kompromis për të shmangur procesin në këtë të fundit në lidhje me mbështetjen e të dhënave të evazorëve të mundshëm amerikanë të taksave. Seanca e parë, parashikuar fillimisht më 13 korrik, u shty tri herë. Marrëveshjen e bënte të vështirë ngulmimi për të respektuar njëkohësisht gjatë procedurës emrat dhe zviceranë dhe kërkesat e ardhura nga autoritetet financiare amerikane, të cilët kërkonin dorëzimin e shpejtë të listës së kontribuesve amerikanë.
Reaksione pozitive të bankës dhe qeverisë zvicerane
UBS tha se është e kënaqur me marrëveshjen. Presidenti i Këshillit Drejtues Administrativ Kaspar Villiger ka falënderuar "për përkushtimin e përkryer" të treguar nga qeveria dhe nga delegacioni zviceran që kanë bashkëbiseduar marrëveshjen. Instituti bankar, ka saktësuar veç tjerash, se nuk do të japë hollësira gjersa marrëveshja të jetë nënshkruar nga të dyja palët. Shefja e Departamentit Federal të Drejtësisë Eveline Widmer-Schlumpf "konstatoi me kënaqësi që u bë e mundur të zgjidhet mosmarrëveshja duke gjetur një kompromis midis dy shteteve sovrane, që është në interesin e të dyja këtyre shteteve".
Bankierët zviceranë janë të kënaqur
Shoqata e Bankierëve Zviceranë është e kënaqur me marrëveshjen jashtëgjyqësore të arritur të mërkurën. "Ka shumë rëndësi që është arritur të shmanget një proces i gjatë që do të ndikonte keq ndaj UBS dhe ndaj krejt sistemit financiar," ka thënë zëdhënësi Thomas Sutter.
Comments (0)
Dërgoja shokut
Printo
