Voal-online - Zvicra duhet të ndëshkojë rëndë përdorimin dhe shpërndarjen e të dhënave bankare të blera në mënyrë të paligjshme.

Kështu ka vendosur njëzëri Këshilli i Shteteve, i cili ka miratuar një mocion të komisionit të çështjeve juridike. Dosjeri tani i kalon Këshillit Kombëtar.

Sipas 'senatorëve', Këshilli Federal duhet të shqyrtojë mundësinë e zgjerimit të ndëshkimeve ndaj publikimit të dhënave bankare të vjedhura, duke respektuar ndërkohë lirinë e shtypit, si dhe dhunimin e sekretit të fabrikimeve dhe atij komercial.