ZVICERANËT SIVJET MË SHUMË SHPENZIME PËR KRISHTLINDJE, POR KRYESISHT JASHTË VENDIT
E Enjte, 12.13.2012, 09:09am (GMT+1)
Voal-online - Shpenzimet për dhuratat e Kishtlindjeve në Zvicër sivjet do të
jenë më të mëdha se në të kaluarën. Kjo del nga një sondazh i universetit të
Sen Galenit, sipas të cilit një nga çdo tre qytetarë blerjet do t'i bëjnë
jashtë vendit.
Janë pyetur 2000 blerës të Zvicrës gjermane e të Romandisë. Mesatarisht të
pyeturit thonë se do të shpenzojnë 611 franga, kundrejt 587 vitin e shkuar. Por
kjo nuk do të rritë faturën në Zvicër, sepse blerjet do të bëhen përtej
kufirit.
Gjithnjë sipas sondazhit, zviceranët parapëlqejnë t'i bëjnë blerjet e
Krishtlindjeve në qendër të qytetit (60%). Blerjet në internet kanë rënie:
vetëm 25% kanë deklaruar se parapëqejnë blerjet në internet, kundrejt 38% vitin
e shkuar.
Dhuratat do të jenë veshje, libra dhe udhëtime. Rritjen më të madhe krahasuar
me 2011 e kanë artikujt sportivë.
www.voal-online.ch
|
Comments (0)
Dërgoja shokut
Printo
