VOAL - Online Zëri i Shqiptarëve | ||||
Fitore e madhe e Zvicrës kundër Greqisë E Djelë, 09.06.2009, 10:51am (GMT1) Voal-online Ndeshje me rëndësi të madh për Kombëtaren e cila priste Greqinë në Saint Jakob të Bazelit. Kryqkuqët, pa dy lojtarë kryesorë si Lichtsteiner (skualifikuar) e Inler (dëmtuar) kanë bërë një pjesë të parë trysnuese ndaj kundërshtarit, por pa gjetur rrugën e golit. Episodi më i favorshëm në minutën e 40-të, kur me një kundërzbritje të bukur Zvicra u ndodh tek porta kundërshtare dhe Tranquillo Barnetta mund të kish shënuar gol falë një përmbylljeje të mrekullueshme. Mjerisht mbrojtja greke e shmangu. Dhjetë minuta më vonë Greqia mbetet me dhjetë lojtarë nga përjashtimi i Vyntras, për shkak se kishte bërë faull kundër Magnin. Në pjesën e dytë Zvicra vazhdon të sulmojë, edhe pse rastin më të rrezikshëm do ta kishte Greqia, e cila në minutën e 67-të rrezikon me Spiropoulos, topi i cilit nxirret jashtë nga ndërhyrja e portierit Benaglio. Në minutën e 76-të ka radhën Zvicra, por gjuajtja e Hakin, hyrë në vend të Fernandes, është tepër e dobët dhe përfundon në duart e Chalkias. Në minutën e 83-të i sapohyri Vonlanthen merr një fuall pranë zonës së rreptësisë dhe gjuajtjen e Hakin do ta shndërronte në gol me kokë Grichting. Pesë minuta më vonë dyfishohet rezultati, prapë me kokë, nga Padalino. Saint Jakob, 38'500 spektatorë Arbitër: De Bleekere (Belgio) Gola: 83' Grichting, 88' Padalino Zvicra: Benaglio; Nef (61' Derdiyok), Von Bergen, Grichting, Magnin, Padalino, Fernandes (68' Yakin), Huggel, Barnetta, Nkufo (81' Vonlanthen), Frei. Greqia: Chalkias; Papastathopoulos, Moras, Kyrgiakos, Vyntra, Patstzoglou, Katsouranis, Spyropoulos, Salpingidis (46' Samaras), Amanatidis (81' Gekas), Charisteas (73' Papadopoulos). www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |