Me ftesë të Ministrisë së Punëve të Brendshme, në Zvicër po qëndron për vizitë treditore një delegacion i Bashkësisë Islame të Kosovës në përbërje Myftiu, Naim Tërnava, Kryeimami i Kosovës, Sabri Bajgora dhe shef i kabinetit të Myftiut, Ejup Ramadani, i cili i shoqëruar edhe nga ambasadori i Republikës së Kosovës në Bernë, Naim Malaj, u pritën në Ministrinë e Punëve të jashtme të Zvicrës, nga drejtori për politikë të jashtme, z. Mögli si dhe nga Këshilltari Federal, Paskal Kushpe. (Pascal Couchepin)
Në Konferencën për gazetar që u mbajt në Ambasadën e Kosovës në Bernë, Myftiu Tërnava tha se qëllimi i kësaj vizite është nënshkrimi i një protokolli për vendosjen e një rregulli rreth emërimit të hoxhallarëve në mënyrë që të ndërpritet praktika e deritashme që të vijë kushdo dhe kudo në mesin e besimtarëve shqiptarë që punojnë dhe jetojnë në Zvicër.
Njëherit u diskutua rreth iniciativave të ndryshme në Zvicër për ngritjen e minareve të xhamive, për të cilat, Myftiu Naim Tërnava tha se komuniteti ynë nuk duhet të jetë iniciatorë i këtyre çështjeve, që do të ndikonin në prishjen e imazhit dhe marrëdhënieve shumë të mira që ekzistojnë në mes Kosovës dhe Zvicrës.
Gjatë qëndrimit në Zvicër, delegacioni i Bashkësisë Islame u prit edhe nga Këshilltari Federal, Paskal Kushpe,(Pascal Couchepin) pastaj edhe në Ambasadën e Arabisë Saudite, si dhe nga bashkatdhetarët tanë në Bernë, Lugano, Bazel e Cyrih. / Ismet Rashiti/ (http://www.rtklive.com)
Comments (0)
Dërgoja shokut
Printo
