Bazel, 3 maj - Adonis dhe Albian Ajeti kanë nënshkruar kontratë profesionale me ekipin zviceran të Bazelit. Binjat 16-vjeçcarë në prani të babait të tyre, Afrim Ajeti kanë hedhur firmën në letrat, që i bën ata lojtarë të kampionëve të Zvicrës. Siç shkruan "Sporti shqiptar", kontrata e tyre 3-vjeçare nis me 1 korrik 2013 dhe përfundon me 1 korrik të vitit 2016.

Adonis Ajeti luan aktualisht si mesfushor qendror dhe mban shiritin e kapitenit tek ekipi U16 i Bazelit. Vëllai i tij, Albiani, luan në pozicionin e sulmuesit në ekipin U18.

Por ata kanë edhe vëllanë më të madh që luan për Bazelin. Ai quhet Arlind Ajeti, i cili luan në ekipin e parë.

Në kërkim të dy binjakëve ishte vënë në kërkim Barcelona dhe kontrata është një masë mbrojtëse nga ana e Bazelit në mënyrë që të parandalojë largimin e talenteve.

Por në një kohë që Bazel dhe Barcelona luftuan hapur për këto talente dhe në fund, fitoi ekipi që i kishte pjesë të akademisë, kombëtarja shqiptare nuk ka shfaqur ende interes për këta dy talente që në të ardhmen mund të japin një kontribut të madh për bluzën kuqezi.

Dy 16-vjeçarët luajnë aktualisht për kombëtaren e Zvicrës. Por përderisa nuk kanë luajtur ende për ekipin e parë, Shqipëria mund t'i bëjë pjesë të saj.