VOAL - Online Zëri i Shqiptarëve - Zvicra mikpritëse në Bisedimet e Gjenevës 2: Takim për çështjet e Sigurisë dhe ato Bërthamore midis BE 3+3 dhe Iranit

Në njoftimin për Media, Departamenti Federal i Punëve të Jashtme të Zvicrës njofton, se Bashkimi Europian dhe Irani i kanë kërkuar Zvicrës të organizojë një takim midis Përfaqësuesit të Lartë të BE, Javier Solana, dhe negociatorit bërthamor të Iranit, Saeed Jalili. Takimi do të mbahet në Gjenevë më 1 Tetor 2009.

Në këtë njoftim për Mediat të Departamentit Federal të Punëve të Jashtme të Zvicrës thuhet, se BE, si përfaqësues i BE 3+3 (Gjermani, Francë, Mbretëria e Bashkuar, Kina, Rusia, dhe SHBA) së bashku me Iranin, zyrtarisht i kanë kërkuar Zvicrës, që të jetë mikpritëse për të organizuar takimet midis palëve që do të mbahen më 1 Tetor 2009. Bisedimet e fundit të këtij lloji janë organizuar gjithashtu nga Zvicra dhe janë mbajtur po në qytetin metropolt ë Gjenevës më 19 Korrik 2008.

Departamenti Federal i Punëve të Jashtme (FDFA) i ka dhënë përgjigje pozitive kërkesës të bërë nga shtetet e mësipërme, pasi ky është një dimension bazë si pjesë që e siguron politika e jashtme e Zvicrës.

Takimi do të mbahen në Gjenevë. Delegacioni i BE 3+3 do të udhëhiqet nga Përfaqësuesi i Lartë i BE, Javier Solana. Sekretari i Këshillit Nacional të Sigurisë dhe Shefi Negociator për Çështjet Bërthamore, Saeed Jalili, do të kryesojë delegacionin iranian.

Zvicra gjithmonë ka mbrojtur një zgjidhje diplomatike për çështjet bërthamore të Iranit. Prandaj, ajo mirëpret dhe mbështet vazhdimësinë e bisedimeve të drejtëpërdrejta.

Departamenti Federeal i Punëve të Jashtëme