Voal-online Nuk u luajt për barazim, por në fund të fundit në stadiumin Sent Jakob të Bazelit kështu kanë shkuar gjëra. Natyrisht që ka ndikuar ankthi dhe frika. Por objektivi ishte kualifikimi për në Botërorin e Futbollit 2010 dhe ky u arrit, për këtë mjaftonte barazimi i mbrëmshëm. Loja e skuadrës së Ottmar Hitzfeld ka pasur plot të meta.

 

Në pjesën e parë Zvicra menjëherë në kërkim të golit, me një Marco Padalino që i shërbeu në qendër kolegut Eren Derdiyok në përfundim të një zbritjeje të pandalshme në krahun e djathtë. Është minuta e tretë dhe topi fluturon jashtë. Dy minuta më vonë përgjigjen miqtë me anë të Keinan, i lënë pa mbulim, por fatmirësisht ndodhej në pozicionin e duhur portieri zviceran Marco Wölfli (në portë për shkak të gjendjes shëndetësore të Diego Benaglio). Padalino, Inler e Barnetta, më shumë se të tjerët, kërkuan ta çojnë skuadrën në fitore, por Izraeli arrin me lehtësi të kalojë në kundërsulme, ndërsa helvetikët nuk ia arrijnë t'i konkretizojnë aksionet e tyre. Nuk ndihmojnë as largimi me karton të kuq i futbollisti Yadin të Izraelit (minuta e 59-të), as ndërrimet e bëra, ndër të tjera ardhja e Freit. Gjithsesi 38 500 adhuruesit e futbollit në stadiumin e Sent Jakobit nuk kanë marrë dot frymë të lehtësuar deri në mbarimin e plotë të ndeshjes.

 

Zvicra - Izraeli 0-0 -
Bazel, Sant Jacob

38 500 shikues (të gittha bletat shitur)
Gjyqtar kryesor: Tudor (Rumani)

Zvicra luajtir me: Wölfli; Lichtsteiner, Senderos, Grichting, Spycher; Padalino, Inler, Fernandes, Barnetta; N'Kufo, Derdiyok (70' Frei).

Izraeli luajti me: Aouate; Saban, Ben Haim, Strul, Ziv; Kayal, Yadin, Cohen, Benayoun; Colautti (69' Schechter), Barda (85' Vermouth).

(http://sport.rsi.ch/home)