Voal-online Presionet e kohëve të fundit ndaj Zvicrës nuk i pëlqejnë Bernës, e cila ka vendosur të ngrezë zërin duke i ngrirë bisedimet në vazhdim për të nënshkruar marrëveshjen e re mbi taksën e dyfishtë financiare midis dy vendeve.

 

Një masë kjo që është ndërmarrë në vijim të vendimit të Romës për të thelluar luftën ndaj fshehjes së tatimeve, nëpërmjet mburojës tatimore dhe të kulmuar në blicin e fundit ndaj filialeve zvicerane në Gadishull.

 

"Nga ana jonë jemi gati ta nënshkruajmë marrëveshjen në fjalë, por nisur nga ajo që ka ndodhur kemi vendosur ta bllokojmë deri në një qëndrim të ri," ka deklaruar Hans-Rudolf Merz në një intervistë të publikuar në Sonntagsblick. "Veprimtaritë e parashikuara të agjentëve italianë në tokën zvicerane për të gjetur fshehës tatimorë italianë është e papranueshme. Për gjithçka ka një kufi," ka thënë ministri i Financave.

Në situatën ku ndodhemi është madje e përjashtuar mundësia që të vahdojmë bisedimet për një marrëveshje mbi taksën e dyfishtë midis dy vendeve. Ka arritur momenti që të luhet me letra të hapura dhe që të sqarohet ajo që ka ndodhur para se të jemi rikthyer në tavolinën e bisedimeve, ka nënvizuar më tej presidenti i Konfederatës.

Berna ka nënshkruar tashmë marrëveshje për taksën e dyfishtë sipas standardeve të Organizatës për Bashkëpunim Ekonomik me 12 vende dhe është fshirë nga lista gri e parajasave të detyrimeve financiare. "Tani pres përgjigjen e ministrit italian të Financave dhe Ekonomisë Giulio Tremonti", ka përfunduar Merz.

(http://info.rsi.ch)