VOAL - Online Zëri i Shqiptarëve

FUTBOLL - ZVICRA E GJASHTA NË BOTË E Enjte, 02.13.2014, 03:40pm (GMT1) Kombëtarja zvicerane e futbollit, katër muaj para Botërorit në Brazil, është ngritur për dy vende më lartë në ranglistën botërore të përfaqësueseve nacionale. Kështu, Zvicra, sipas rezultateve të saj,  tash ndodhet në vendin e gjashtë në botë dhe në të katërtin në Evropë, sipas FIFA-s. Me radhitjen e re, kombëtarja helvetike ka lënë mbrapa Italinë dhe Uruguajin. Në këtë radhitje të re, kombëtarja e Zvicrës ka përfituar nga vlerësimi retrospektiv që u është bërë rezultateve të saj në ndeshjet e luajtura më herët gjatë vitit 2013. Radhitja e FIFA-s duket kështu: në vendin e parë Spanja (1506 pikë); 2. Gjermania (1314); 3. Argjentina (1255) ; 4. Portugalia (1219); 5. Kolumbia (1211) dhe 6. Zvicra (1159). Italia është e shtata dhe vjen menjëherë pas Zvicrës ndërsa Brazili është vetëm në vendin e dhjetë të kësaj rangliste. www.voal-online.ch

Copyright © 2005-2008 Nulled by [x-MoBiLe]. All rights reserved.