VOAL - Online Zëri i Shqiptarëve

DIDIER BURKHALTER - ZVICRA ËSHTË NJË VEND I FORTË E Premte, 02.14.2014, 06:26pm (GMT1) Presidenti Didier Burkhalter duke biseduar me këshilltaren federale Simonetta Sommaruga në vilën Von Wattenwyl Voal-online - Zvicra është një vend i fortë dhe do ta dëshmojmë, kështu ka thënë president i Konfederatës Didier Burkhalter pas takimi në vilën Von Wattenwyl me partitë qeverisëse, të thirrura për të shqyrtuar marrëdhëniet e ardhshme Zvicër-BE. Agjencisë Telegrafike Zvicerane Burkhalteri i ka treguar se takimi i së hënës në Romë me autoritetet e atjeshme është shtyrë pas krizës së Qeverisë në Itali. Gjithsesi, në të gjitha kryeqytetet kryesore evropiane janë aktivizuar kanalet diplomatike e mbetet i konfirmuar udhëtimi i parashikuar për javën e ardhshme në Berlin. THELBËSOR ËSHTË KOHEZIONI KOMBËTAR PAS VOTËS SË TË DIELËS SË SHKUAR Gjatë takimit të tyre, qoftë Qeveria federale dhe partitë qeverisës kanë ngulmuar në nevojën për të gjetur, pas votës së të dielës për emigracionin në masë, një zgjidhje për të respektuar vullnetin e popullit. Sipas Burkhalterit, të gjitha partitë kanë manifestuar mbështetjen e tyre ndaj strategjisë së Qeverisë. Asnjë vendim ende nuk është marrë: Ekzekutivi do të shprehet pas disa javësh mbi drejtimin që do të marrë për të krijuar marrëdhënie të reja të qëndrueshme me BE. Kohezioni kombëtar është ndërkaq i pazëvendësueshëm për të gjetur një zgjidhje, ka pohuar ministri i Punëve të Jashtme. Qeveria mbetet gjithsesi e bindur se është i mundshëm një rishikim i marrëveshjes me Brukselin mbi qarkullimin e lirë. SDA/ATS www.voal-online.ch

Copyright © 2005-2008 Nulled by [x-MoBiLe]. All rights reserved.