VOAL - Online Zëri i Shqiptarëve | ||||
Libi, pengjet zvicerane kthehen në ambasadë E Hënë, 11.09.2009, 11:22pm (GMT1)
Ambasada zvicerane në Libi Tripoli. Max Göldi, nga ndërmarrja ABB e afaristi Rachid Hamdani qenë arrestuar në muajin korrik të vitit 2008, zyrtarisht për leje qëndrimi të paligjshme. Arsyeja e vërtetë e arrestimit të tyre ishte gjithsesi kërkimi i një forme të shpagimit ndaj arrestimit në Gjenevë në Hannibal Gheddafi-t, njërit prej djemve të liderit libian. Presidenti i Konfederatës Hans-Rudolf Merz është ndjerë i "lehtësuar" nga vendimi i Tripolit, por nuk ka dashur të japë komente. Të mërkurën e shkuar, Këshilli Federal shpalli pezullimin e marrëveshjes së firmosur me Libinë më 20 gusht, duke e arsyetuar veprimin me refuzimin e autoriteteve libiane për të liruar dy qytetarët helvetë. Nga ana e saj, Micheline Calmy-Rey, përgjegjëse e Departamentit të Punëve të Jashtme, ka mundur të flasë me qytetarët helvetë dhe ka thënë se nuk janë keqtrajtuar dhe se janë duke e marrë veten. Këshilltarja federale nuk ka dashur të flasë për rrjedhën e mëtejshme të zhvillimeve libiano-zvicerane. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |